Дали гумените витамини се безбедни и ефикасни?

Додека многу луѓе претпоставуваат дека додатоците се безбеден и лесен начин да се добијат многу добри состојки, тоа честопати не е точно. Огромното мнозинство додатоци не се тестираат за безбедност или ефикасност, велат експертите.

0
131

Гумените витамини се сė повеќе популарни – и не само за децата. Според некои проценки, возрасните сега сочинуваат до 80% од пазарот на гумени витамини.

Заморот од пилулите“ е еден од факторите кој ги поттикнува возрасните да се преориентираат кон гумените витамини. Ако морате да земате повеќе додатоци секој ден – а особено ако имате проблеми со голтањето на капсулите или таблетите – вие гумени витамини можат да ви ја олеснат работата. Но, дали тие се ефикасни како и обичните додатоци?

Многу е потешко да се направи добра гумена „бонбона“ отколку да се направи таблета или капсула”, вели д-р Тод Куперман, претседател на ConsumerLab.com, приватна компанија која спроведува тестирања за безбедност и квалитет на производи за широка потрошувачка. Во анализите во 2017 година, ConsumerLab.com откри дека четири од пет гумени витамини содржат повеќе или помалку од наведените количини на состојки. Гумените витамини беа најверојатно вид на додаток кој падна на тестот, покажала анализата.

Изгледа дека многу компании имаат проблеми со контролирањето на количините на состојките во секоја гумена бонбона/витамин, вели Куперман. За да се реши овој проблем, тој вели дека некои производители прскаат витамини и хранливи материи на надворешната страна на готовите бонбони– како слој. Исто така постојат и проблеми со стабилноста, што значи дека гуманите витамини може да изгубат потенцијал со текот на времето. Ова ги тера некои производители да стават многу повеќе од одредени витамини од етикетата за да обезбедат најмалку 100% од означените количини во текот на нејзиниот рок на траење, објаснува тој. Иако тоа може да звучи како добра работа – на крајот на краиштата, добивате повеќе отколку што плаќате – некои извештаи ги поврзуваат прекумерните дози на хранливи материи со здравствени проблеми, вклучувајќи и зголемен ризик за некои видови на рак.

Анализата на ConsumerLab.com, исто така, покажа дека некои гумени витамини содржат железо, кое има метален вкус што е тешко да се маскира. Ова е особено важно за истакнување на бремени жени, кои често се советуваат да земат додаток на железо за да го намалат ризикот за предвремено породување и други компликации.

Но, анализата не беше лоша за сите, па некои гумени витамини, вклучувајќи ги и детските направени од Flintstones Vitamins и женските од Nature’s Way, го поминаа тестирањето на ConsumerLab.com.

Сепак, експертите имаат и други резерви во однос на додатоците во облик на гумени бонбони.

Јас сум загрижен за децата и возрасните кои можат да се навикнат на добивање на хранливи материи во слатка форма, вели д-р Марк Мојад, директор на центар за превентивна и алтернативна медицина во Медицинскиот центар на Универзитетот во Мичиген.

Многу гумени производи за деца и за возрасни содржат еден или повеќе грама шеќер по парче. Тоа е слично на некои видови на бонбони. Ако некој зема повеќе гумени додатоци на ден – а за некои од нив се бара да се земаат по две или три за да добиете целосна доза од вклучените хранливи материи – ќе внесете премногу шеќер.

Тоа е како да јадете бонбони за Ноќта на вештерките 365 дена во годината, вели Мојад.

Во средината на најголемата епидемија на детска и возрасна дебелина која оваа земја ја видела, треба да ги примаме нашите хранливи материи од целата необработена храна, а не од бонбони.

Овој совет се однесува на сите додатоци, а не само на гумените витамини. Додека многу луѓе претпоставуваат дека додатоците се безбеден и лесен начин да се добијат многу добри состојки, тоа честопати не е точно. Огромното мнозинство додатоци не се тестираат за безбедност или ефикасност, велат експертите.

Додека луѓето со специфични нутриционистички недостатоци можат да имаат корист од додатокот – доказите за дневните мултивитамини се намалуваат. Прегледот за 2012 објавен во American Journal of Clinical Nutrition покажа дека мултивитамините немаат влијание врз смртноста. И кога станува збор за спречување на рак или срцеви заболувања, работната група на превентивните услуги на САД пронајде недоволни докази“ дека витаминските додатоци прават некакво добро. Во случај на додатоци на бета-каротен и витамин Е, работната група всушност советуваше да не се земаат.

Сè што е кажано, е доволна причина да се биде претпазлив со гумените витамини. Ако вашиот лекар ви кажал да земете нешто и имате проблеми со другите видови додатоци, гумените витамини може да бидат корисна алтернатива. Но, додавањето на неколку додатоци во вашата дневна рутина не може да е таква слатка идеја ако сакате да го подобрите вашето здравје.

Фото: rawpixel.com from Pexels

loading...