Дали знаете од што зависи како ќе изгледа вашето бебе?

Меѓу карактеристиките кои често се пренесуваат низ генерациите се и дупчето на брадата, дупчињата во образите, oбликот на прстите и ноктите на двете раце и нозе.

0
288

Сите идни родители се прашуваат како ќе изгледа нивното дете, дури и ако веќе имате едно или повеќе деца кои се „клонови“ на едниот од вас, тоа не значи дека бебето што го очекувате ќе личи на истиот родител. Не, не сметајте на тоа, бидејќи неговиот изглед ќе биде резултат на многу фактори, вклучувајќи ги и овие наведени во научните факти што ви ги донесуваме.

Бојата на косата и очите во голема мера ја одредуваат доминантните гени

Темната и виткана коса е резултат на доминантни гени, што значи дека вашето бебе е поголема веројатноста да ја наследи вашата бујна, темна кадрава грива отколку правата, руса и свилена коса на татко ѝ. Меѓутоа, бидејќи бојата на косата се движи во спектар од светло до темно, а неколку типови на гени се вклучени во одредувањето на структурата и нијансата на влакната, не е можно да се предвиди точниот исход. Дури и ако двајцата родители имаат темна коса, ако има рецесивни гени за светла коса од претците, постои можност бебето да ги наследи тие гени.

Како и во случајот на косата, бојата на очите е полигена. Бојата на човечкото око доаѓа во цел спектар на бои, од кафена и боја на лешник до зелена и сина боја. Кафените очи обично се доминантни, што не значи дека бебето не може да наследи рецесивни гени од баби и дедовци, такашто и ако и двајцата сте црнооки, ќе добиете синооко дете.

Гените играат голема улога и во тежината и во висината на детето

Високите родители генерално имаат високи деца, ниските ниски, дебелите дебели, витките витки, иако за висината и тежината значајна улога, покрај гените, имаат и факторите на животната средина и начинот на живот. Интелигенцијата е исто така наследна, но исто така е резултат на стимулација. Детето кое е генетски благословено со завиден интелект нема да развие ниту дел од своите потенцијали ако не му се стимулира мозокот, ако не му се зборува, ако не му се чита, ако не е образовано. Од друга страна, дете со интелектуална попреченост или доцнење во развојот може да постигне далеку подобри резултати отколку што се очекува и од оние за кои е предодредено со раѓањето доколку добие соодветна стимулација.
Секако, постојат генетски компоненти на личноста, но тие тешко се откриваат. Иако е тешко да се разликува која е заслугата на воспитанието, животната средина, социјалната и културната интеракција и што е резултат на генетиката, во последно време сè повеќе се зборува за „гените со грешка“ кои доведуваат до ризично однесување, што го зголемува ризикот од депресија и зависности.

Изгледот на забите, но и стравот од стоматолог се наследни

Ако вие или вашиот партнер имате искривени заби или голем јаз меѓу единиците, започнете да штедите за фиксна протеза затоа што шансите вашето дете да ги наследи вашите проблеми се многу големи. Големината и конфигурацијата на вилицата, аглите и начинот на исправање на забите се генетски одредени. Колку во област доминираат гените покажува фактот што децата често го наследуваат проблемот на мама и тато, што резултира со многу незгодни ортодонтски комбинации како што се големи заби (на тато) во мала вилица (на мама).

Еве уште неколку карактеристики кои често се пренесуваат низ генерациите:

Дупче на брадата. Тоа се случува затоа што долната вилица не се спојува целосно за време на развојот.
Дупчиња во образите. Тоа е „грешка“ во мускулот на образите.
Обликот на прстите и ноктите на двете раце и нозе.
Леворакоста е генетски одредена, иако генот за тоа е рецесивен. Ставот кон храната, особено кон некои зеленчуци, се наследува од родителите, бабите и дедовците.

Фото: Pexels-Pixabay

loading...