Детето почна рано да ве лаже? Тоа е добар знак

Лажењето не е невообичаено кај малите деца, а новото истражување открива дека тоа е дури и важен дел од развојот на детето

0
238

Според истражувањето предводено од Канг Ли, професор по психологија на Универзитетот во Торонто, децата почнуваат да лажат многу рано. Меѓу двегодишниците кои зборуваат, 30 проценти од нив веќе лажеле за нешто. На возраст од три години, скоро половина се обидуваат да лажат за нешто редовно. На четири години, таа бројка достигнува дури 80 проценти! И на возраст од пет до седум години, речиси секое дете лаже.

Д-р Ли вели дека помладите деца кои ја прикриваат вистината или ја избегнуваат вистината, имаат когнитивна предност во однос на оние кои не го прават тоа. „Лажењето бара две работи. Децата треба да разберат што мисли некој друг. Ние ја нарекуваме оваа способност теорија на умот. Децата кои се подобри во теоријата на умот, исто така се подобри во лажењето”, објаснува др. Ли.

Друга работа е да знаете како да планирате однапред за да спречите несакани активности. 30 проценти од децата на возраст под три години кои знаат да лажат имаат поголема способност за тоа, а лагите им помагаат да излезат од непријатни ситуации.

Ваквите когнитивни способности кај деца кои започнуваат рано да лажат, значат дека таквите деца ќе бидат поуспешни на училиште и во комуникација со други деца на игралиште. Д-р Ли спровел експерименти со теоријата на умот врз група од 58 деца од предучилишна возраст во Кина, поделувајќи ги во две групи. Половина од децата добиле шест обуки од теоријата на умот, а другата половина добила обуки на кои научиле броеви и вештини за снаоѓање во просторот. Истражувачите откриле дека децата од првата група лажеле подобро, но исто така и биле подобри во лагите отколку децата од втората група.

Фото: Unsplash

loading...