Месецот на раѓање открива на кои болести сте повеќе склони во животот

Шпанските научници спровеле истражување на 30 илјади луѓе во кое нашле врска помеѓу месеците на раѓање и одредени болести.

0
1666

Сезонските промени на УВ зрачењето, нивоата на витамин Д, вируси и алергии можат да влијаат на развојот на фетусот, објаснуваат. Taка на пример, производството на витамин Д во телото им недостасува на бебињата кои се родени во зимските месеци, а тоа може да има долготрајно влијание на нивното ментално и физичко здравје, пишува Дејли Мејл.

„Во оваа студија најдовме докази со значајна пповрзаност помеѓу месеците на раѓање и појавата на 27 хронични болести како и долгорочни здравствени проблеми.

Исто така, болестите се појавуваат поинаку во зависност од тоа дали е детето момче или девојче“, објаснил професор Хозе Антонио Куесада, автор на студијата.

Еве на кои болести сте повеќе склони во зависност од месецот на раѓање:

ЈАНУАРИ – машките деца почесто како возрасни луѓе страдаат од запек, болки во долниот дел од грбот и чир на желудник. Жените родени во овој месец страдаат од мигрени, проблеми во менопаузата и се пвеќе склони кон срцев удар.

ФЕВРУАРИ – момчињата почесто страдаат од проблеми со штитната жлезда, срцето и остеоартритис. Жените се исто така склони кон остеоартритис, проблеми со штитната жлезда, но и згрутчувања на крвта.

МАРТ – момчињата се повеќе склони кон астма, катаракта, срцеви проблеми, а жените кон артритис, реума и запек.

АПРИЛ – машките априлски бебиња во подоцнежниот живот имаат проблеми со астмата, штитната жлезда и остеопороза, а женските со бронхитис, тумори и остеопороза.

МАЈ – момчињата се повеќе склони кон депресија, астма и дијабетес, а жените кон хронични алергии, остеопороза и запек.

ЈУНИ – момчињата родени во јуни помалку од останатите страдаат од депресија и болка во долниот дел од грбот. Но почесто имаат срцеви состојби, катаракта и хроничен бронхитис во однос на другите мажи. Жените родени во овој месец имаат за 33 отсто помал ризик од мигрени и 35 отсто помал ризик од развој на проблеми во менопаузата, во споредба со жените родени во останатите месеци.

Но повеќе се склони кон артритис, инконтиненција и реума.

ЈУЛИ – жените родени во овој месец имаат за 27 отсто поголем ризик од дијагностицирање на висок крвен притисок и 40 отсто поголем ризик од инконтиненција. Исто така, се склони кон хронична болка во вратот, астма и тумори. Мажите родени во овој месец се склони кон астма, тумори и артритис.

АВГУСТ – машките деца родени во овој месец имаат двојно поголем ризик од астма во споредба со децата родени на почеток од годината. Исто така, имаат проблеми со штитната жлезда и остеопороза. Жените се посклони кон крвни згрутчувања, реума и артритис.

СЕПТЕМВРИ – мажите родени во овој месец три пати повеќе имаат проблеми со штитната жлезда отколку оние родени во јануари. Склони се кон астма и остеопороза. Септемвриските бебиња развиваат најмалку хронични болести во текот на животот но сеедно и жените се склони кон проблеми со штитната жлезда, малигните тумори и остеопороза.

ОКТОМВРИ – во текот на овој месец се раѓаат најмногу бебиња. Жените родени овој месец почесто од останатите имаат висок холестерол, анемија и остеопороза. Последнава склоност со нив ја делат и мажите кои исто така имаат проблеми со штитната жлезда и со остеопорозата.

НОЕМВРИ – машките почесто развиваат хронични проблеми со кожата, срцеви болести и оние со штитната жлезда во споредба со останатите, додека жените повеќе страдаат од астма, хроничен бронхитис и крвни згрутчувања.

ДЕКЕМВРИ – жените се посклони кон хроничен бронхитис, астма и крвни згрутчувања, а мажите кон катаракта, депресија и срцеви проблеми.

Фото: Pixabey

loading...