Не се бричам!

Нека ме навредуваат и нека ми се смеат, нема да ги кубам веѓите и мустаќите! Елдина Јагањац (31) често е мета на потсмев поради изразените мустаќи и споените веѓи. Сепак, таа е категорична во својата цврста одлука да не се депилира и да не ги кубе веѓите. Што мислите вие за ова?

0
371

Пред една година, Елдина Јагањац (31) од Копенхаген решила да престане да ги депилира мустаќите и веѓите. Елдина по потекло е од БиХ и пораснала во мал град во кој се очекувало да се вклопи во средината, но како што созревала, таа била фрустрирана од фактот дека од жените се очекува да потрошат повеќе време и пари за одржување на нивниот изглед, особено кога станува збор за отстранување на влакна.
„Пред да дозволам да ми порасне една од веѓите, почувствував дека има исклучително ограничени можности за тоа како треба да изгледаат жените. Ако мажот не ги избричи или не ги искубе веѓите, тоа никој не го забележува или коментира, и тоа не е ништо невообичаено. Исто како и многу други жени, и самата научив нешто. На пример, порано не се чувствував пријатно да излегувам ако веѓите не ми беа исчешлани, мали и неискубани, и не одев во теретана ако не ми беа избричени ​​нозете.

Сега решив да се фокусирам на задачите и целите што треба да ги постигнам, а помалку на тоа како изгледам додека работам на тоа и дали луѓето им се допаѓам на луѓето или не, бидејќи веројатно никогаш повеќе нема ни да ги видам, а и ако ги видам, не ми е гајле“, вели таа.

Елдина, на чиј профил на Инстаграм можете да видите фотографии од времето кога, како што вели, се обидувала да се вклопи во очекувањата на средината.
Нејзините пријатели го прифатија новиот изглед, а некои дури и не забележаа. Сепак, многу луѓе прво го забележуваат вишок влакна на нејзиното лице.

„Имаше луѓе кои ми приоѓаа на улица и ми велеа дека е кул, додека имаше неколкумина што ми се дереа. Да, неколку тинејџери ми викаа на улица, но ништо важно. Мислам дека е тешко да се разберат родовите улоги додека сте тинејџер и растете, па кога жената прави нешто што се смета за помалку женско, ги збунува тинејџерите, тие дури и не можат да го разберат. Забележав и неколку возрасни мажи кои гледаа во моите небричени нозе и во веѓите како да имам трета глава“, споделила Елдина.
Таа, од друга страна, се чувствува посигурна од кога и да е затоа што не се плаши да се издвои од толпата и е свесна дека поради својата коса се чувствува помалку женствено само под притисок на социјалните обрасци. Дури и кога станува збор за излегување со мажи и потенцијални идни момчиња, Елдина вели дека нејзиниот нов имиџ само ѝ помага, бидејќи веднаш ги отстранува сите ‘конзервативни’ потенцијални додворувачи кои се плашат од нејзиниот изглед.

„Општеството наметна дека жените кои имаат влакна на телото се сметаат за помалку женствени. Во многу делови на светот, жените имаат повидлива и потемна коса и влакна, па затоа се принудени да го менуваат својот изглед за да бидат поженствени. За да бидеме прифатени, треба да потрошиме повеќе пари од мажите, и мислам дека не е фер. Треба да го поставиме прашањето: Зошто ние како жени сметаме дека отстранувањето на влакна е важно? Има толку многу поважни работи на кои треба да се фокусираме, а тоа сигурно не се влакната“, тврди Елдина за The Sun, а пренесува Нова.

Но, со оглед на тоа што една од најголемите сликарки на 20-тиот век, Фрида Кало, беше препознатлива токму по своите споени веѓи, ова и не е толку шокантно. Патем, оние кои ја посетиле Данска во текот на 80-тите, знаат дека таму и во тоа време многу жени ги оставаа влакната слободно да им раснат, особено, под пазувите и на нозете, па можеби сето ова и не е толку драматично во една таква слободоумна средина.

Што мислите вие за оваа тема?

Фото: Инстаграм

 

С

loading...