Оралниот секс е поврзан со вагиналната состојба на бактериска вагиноза

Оралниот секс може да создаде средина за вообичаената вагинална состојба наречена бактериска вагиноза или БВ, покажало истражувањето во списанието PLoS Biology.

0
476

Бактериската вагиноза (БВ) не е сексуално пренослива инфекција. Тоа е дисбаланс  на вообичаените бактерии кои се наоѓаат во вагината.

Жените кои ја имаат може да немаат никакви симптоми, но некои добиваат исцедок со силен мирис.

Истражувачите истражувале каков ефект имаат бактериите од устата врз микробите кои живеат и растат во вагината.

За БВ

Обично бактериската вагиноза не е сериозна, но треба да се третира затоа што нејзиното присуство ги прави жените поранливи на фаќање сексуално преносливи болести и добивањето уринарни инфекции.

Ако жената е бремена, тоа го зголемува ризикот од предвремено раѓање.

Како можете да знаете дали ја имате?

Тоа е прилично честа појава и жените кои ја имаат може да забележат дека имаат невообичаен исцедок кој има мирис на риба.

Може да забележите промена во бојата и конзистентноста на вашиот исцедок, како на пример да станете сивкасто-бел, тенок и воденест.

Вашиот гинеколог може да ви земе брисеви за да видите дали имате БВ.

Ако резултатот е позитивен, може да се третира со антибиотици, гелови или креми.

Што открило новото истражување?

Жените без БВ имаат тенденција да имаат многу „добри“ бактерии наречени лактобацили кои ја одржуваат вагината повеќе кисела, со пониска pH вредност.

Понекогаш овој здрав баланс може да се наруши и да дозволи други вагинални микроорганизми да напредуваат.

причината за ова не е целосно позната, но поверојатно е да добиете бактериска вагиноза во следниве случаи:

ако сте сексуално активни (но и жените кои немале секс можат да добијат БВ)
ако сте имале промена на партнерот
ако имате IUD (уред за контрацепција)
ако користите парфимирани производи во или околу вашата вагина

Студијата во PLoS Biology покажала како вообичаениот вид на бактерии кои се наоѓаат во устата а се поврзани со заболувања на непцата и денталниот плак можат да поддржат БВ.

Тие направиле експерименти со човечки вагинални примероци и кај глувци за да го согледаат однесувањето на бактериите.

Бактеријата во устата, Fusobacterium nucleatum, се покажало дека го помага растот на други бактерии вмешани во БВ.

Истражувачите, д-р Аманда Луис од Универзитетот во Калифорнија и колегите, велат дека наодите покажуваат како оралниот секс може да придонесе за некои случаи на БВ.

Експертите веќе знаат дека БВ може да се активира преку секс, вклучително и сексот меѓу жени.

Професорката Клаудија Есткурт, портпарол на британското здружение за сексуално здравје и ХИВ, рекла дека истражувањето како што е ова е важно да се додаде во разбирањето на БВ.

„Знаеме дека БВ е навистина сложен ентитет со многу фактори што придонесуваат“.

Таа вели дека оралниот секс може да пренесе сексуално преносливи инфекции и други бактерии кои можеби можат или не можат да бидат важни во други здравствени состојби.

Фото: Pexels

loading...