Родителите ТРЕБА да се караат пред децата!?

Пристапот „без карање пред децата“ изгледа дека не е толку добар како што се мислеше...

0
385

Веројатно илјада пати до сега сте слушнале дека родителите не би требало да се караат пред децата. Меѓутоа, новите студии покажуваат дека ваквиот пристап им испраќа на децата збунувачки пораки и дека родителите треба да имаат „здрава расправија“ пред децата.

На пример, ако ги прашате вашите баби и мајки, тие ќе ви кажат дека децата никако не треба да бидат вмешани во проблемите на родителите и во нивниот меѓусебен однос. Стручњаците пак велат дека децата на возраст од 11 години и повеќе можат да забележат кога нешто не е во ред помеѓу мајкатаи таткото и тоа е за нив збунувачко.

„Децата реагираат полошо и се помалку позитивни“ кога родителите пред нив се прават дека е сѐ во ред, покажало истражувањето спроведено во Сан Франциско, во кое учествувале 109 семејства.

Др.Сара Волтерс од Државниот универзитет во Вашингтон заклучува дека е најдобро децата да видат „здрав конфликт“ помеѓу родителите.

„Тие се добри во проценување на емоциите. Ако чувствуваат дека нешто негативносе случило, а родителите се однесуваат нормално, тоа им испраќа збунувачка порака. Дозволете им да видат сѐ, тоа ќе им помогне подобро да ги регулираат своите емоции и да ги решаваат проблемите. Најдобро е да им даде на знаење дека сте скарани“.

Што мислите вие, дали родителите треба да имаат „здрава кавга“ пред децата, или сепак треба да се расправаат само во четири очи?

Фото: Unsplash

 

loading...