Момче скокнало од училиштен автобус за да избега од насилниците

Единаесетгодишно момче во американската држава Џорџија, кое било мета на закани, потсмев и малтретирање, скокнало од прозорецот на училиштниот автобус за да им избега на насилниците. Автобусот се движел по автопат.

0
151

Насилството е огромен проблем за кој се чини дека сè повеќе слушаме во последно време. Посебен акцент е ставен на насилството меѓу децата. Понекогаш силеџиите, без оглед колку се млади, предизвикуваат трауми кај другите деца, а еден таков инцидент се случил неодамна во округот Волтон, во американската држава Џорџија.

Единаесетгодишно момче кое било мета на закани, потсмев и малтретирање скокнало од прозорецот на училишниот автобус за да им избега на насилниците. Автобусот се движел по автопат.

Според некое чудо, момчето се здобило само со полесни повреди и завршило со потрес на мозокот и скршен лакт.

Дион Марфи, таткото на момчето, за Фокс 5 Атланта изјавил дека, откако слушнал што се случило, бил убеден дека неговиот син е мртов.

„Смрт. Првото нешто на што ќе помислам кога ќе слушнам како некој скокнал од возило во движење … Бев загрижен дека е прегазен и дека загинал“, рекол таткото: ’Мојот син можеше да го загуби животот‘.

Додека овој инцидент е загрижувачки сам по себе, уште позагрижувачки е фактот дека момчето било мета на малтретирање веќе некое време и дека училиштето, наводно, било информирано за сè. Покрај тоа, неговиот татко тврди дека некои од нападите биле дури и снимени.

„И затоа сум толку вознемирен затоа што училиштето го игнорираше малтретирањето и не презема ништо во врска со тоа“, рекол Дион.

Според Дион, неговиот син скокнал затоа што чувствувал дека нема друга опција.

„Еден ученик му се внесувал во лице, го турнал кон прозорецот, а кога паднал, друг ученик му го зел чевелот и во очајнички обид да им избега, тој скокнал од прозорецот“, раскажува таткото.

По инцидентот, семејството одлучило да го испише момчето од училиштето кое го посетувал дотогаш, иако оттаму изјавиле дека темелно го испитуваат инцидентот.

Фото: Unsplash

 

loading...