Многу родители се прашуваат дали е добра идеја да ги носат своите деца на погреби или да зборуваат за нечија смрт. Децата многу добро ги забележуваат реакциите на другите луѓе и дека нешто се променило во нивната околина. Иако сè уште не можат да ја разберат конечноста на смртта до одредена возраст, тие чувствуваат загуба, особено збунетост ако никој не разговарал со нив и не им понудил шанса да се збогуваат.
Експертите сметаат дека старателите не треба да му кажуваат на детето реченици како: „Отиде на пат“ или „Отиде да спие“, бидејќи детето знае дека личноста може да се врати од патувањето еден ден и дефинитивно, дека ќе се разбуди.
„Кога тоа нема да се случи, детето може да доживее разочарување, збунетост, тага и губење на довербата бидејќи постојано ја чекало личноста што не се појавила, а не добило шанса да се збогува со неа. Затоа, важно е искрено да му објасните на детето што се случило, како се случило, користејќи едноставен речник и без премногу детали, но и да ги споделите вашите чувства со детето. Можете да му кажете зошто сте тажни и зошто плачете за детето да може да види дека тагата е природна емоција и дека и тој може да биде тажен“, додаваат тие.
Ако одлучите да го однесете вашето дете на погреб, обидете се однапред да го подготвите за тоа што ќе се случи таму и за тоа како ќе се однесуваат луѓето.
„Ако вашето дете не сака да оди на погреб, во никој случај не го присилувајте на тоа, туку зборувајте за неговите чувства“, велат експертите и ги повикуваат сите кои се нашле во оваа ситуација и чувствуваат тага и загриженост или има имаат какви било прашања, да се консултираат со стручни лица.