Повеќето родители се трудат на своето дете да му го овозможат најдоброто можно детство, но патем, свесно или несвесно, прават грешки и им предизвикуваат на своите деца болка и длабоки емоционални рани кои не зараснуваат дури и кога тие ќе пораснат.
Можеби детето ќе може да ги разбере причините за таквите постапки на неговите родители кога ќе порасне, но има грешки кои децата, исто како и возрасните, ги памтат и тешко ги простуваат.
Овие две работи најтешко се простуваат:
Прекршени ветувања
Ако не постои начин да се одржи ветувањето, тогаш подобро е да не го давате. Ова е вистината што ни ја всадуваат возрасните уште од детството, нели? И тоа им го повторуваат на децата постојано, барајќи тие да си го одржат зборот и да ги исполнуваат своите ветувања.
Меѓутоа, и самите возрасни често ги кршат ветувањата, притоа секогаш наоѓаат изговори – не можеле, некои трети причини го спречиле тоа, родителите имаат толку многу проблеми што едноставно не можеле да стигнат на сите страни…
Не би поверувале колку долго децата знаат да веруваат во некои ветувања и молчејќи секојдневно да трпат разочарување затоа што тие ветувања не се исполнуваат.
Често никогаш не ги забораваат.
Непочитување
Многу родители се држат до фактот дека децата се мали и ќе заборават на сè.
Забораваат и дека децата не се еднакви со возрасните, па ги потценуваат нивните достигнувања и успеси кои се главно мали, исто како нив. Кревката, нежна и весела детска душа ќе сака да ја пофалите за нешто ситно, а вие мислите дека тоа не е ништо посебно и тоа го кажувате, не знаејќи колку со тоа го повредувате детето.
На пример, едно мало девојче сака да прави фустани за кукли. Родителите велат дека тоа е губење време, дека треба да се посвети на нешто покорисно. На почетокот тоа се фустани кои се распаѓаат, но со текот на времето стануваат подобри и поубави.
Во зрелоста таа девојка прави голема кариера во светот на дизајнот, но секогаш носи еден грд спомен – нејзините родители никогаш не верувале во неа…
Затоа, внимавајте што им ветувате на вашите деца, како и што им кажувате за нивните страсти и хобија. Има добри шанси никогаш да не ви простат за вашите непромислени зборови…