Ниеден родител не сака да воспитува разгалено дете кое не слуша и не е свесно за последиците од своето однесување. Сепак, психолозите предупредуваат дека со одреден начин на воспитување, родителите можат сосема несвесно да придонесат за воспитување на токму такво разгалено дете. Една од овие грешки е особено штетна, а се работи за непоставувањето цврсти граници.
Тоа најчесто се случува кога родителите ќе му забранат на своето дете да направи нешто, но набргу потоа попуштаат бидејќи нивното малечко има тенденција да ги тестира тие поставени граници. Иако многу студии покажуваат дека на децата всушност им се допаѓаат границите, бесот и изливите на гнев често им оставаат на родителите впечаток дека нивното поставување не е најдобрата опција. И токму таму грешат.
Психолозите предупредуваат дека децата кои немаат јасно поставени граници често се разгалуваат и се однесуваат лошо, како на училиште, така и подоцна на работното место, бидејќи сметаат дека одредени правила не важат за нив.