Бактериите од храната за бебиња, билните чаеви и млекото во прав може да предизвикаат сепса и, во најтешките случаи, да доведат до смрт. Станува збор за Cronobacter sakazakii, патоген микроорганизам од храната кој може да предизвика фатални последици. Основен извор на инфекција се детските формули во прав, во кои оваа бактерија има способност да преживее подолг временски период. Инфекциите со Cronobacter се ретки, но имаат многу опасни последици.
Бактеријата опстанува во сувите намирници
Инфекциите со оваа бактерија кај деца помлади од 12 месеци се поврзани со употреба на детска формула во прав. Cronobacter sakazakii е бактерија која се наоѓа во нашата средина, може да преживее во сува храна како што се детските формули во прав, билни чаеви, скроб, млеко во прав.
Контаминација може да се појави за време на процесот на преработка или во домаќинствата.
Контаминација може да се појави за време на процесот на преработка или во домаќинствата. Бактеријата Cronobacter доспева на кујнските површини, во мијалниците и водата.
Бактерија особено опасна за бебиња помали од два месеци
Бактериите можат да навлезат во детската формула преку капакот на пакувањето или лажицата, што случајно може да се стави на површината на кујната каде што стигнала бактеријата. Инфекцијата е можна и ако прашкастата материја се меша со контаминирана вода или ако доспее во шише инфицирано со Кронобактер.
Инфекциите со Cronobacter sakazakii се ретки, но може да бидат опасни по живот кај новороденчињата. Тие обично се појавуваат во првите денови или недели од животот. Кронобактер може да предизвика опасна инфекција на крвта (сепса) и менингитис. Дејството на оваа бактерија е особено опасно за бебињата помали од два месеци и предвремено родените деца.
Симптоми на инфекција
Дете заразено со бактеријата има висока телесна температура, одбива храна, плаче. Во случај да ги забележат овие симптоми, неопходно е да се побара итна медицинска помош. Доењето е еден од начините на кои можеме да го заштитиме новороденчето од оваа бактерија.
Темелното чистење и дезинфекција, како и чувањето на цуцлите и приборот за хранење на чисто место е исто така добра заштитна мерка. Бебешката формула во прав мора да се чува на чисто и безбедно место, а сѐ што ќе дојде во допир со усните на детето мора добро да се исчисти. Се препорачува редовно чистење и дезинфекција на сите површини во кујната, храната не треба да се става директно во мијалникот, бидејќи бактериите можат да преживеат на славини и мијалници. Измијте ги и темелно дезинфицирајте ги рацете и сѐ што може да дојде во контакт со детето.
Рацете се мијат со сапун и вода најмалку 20 секунди
Многу е важно да се мијат работните површини, мијалниците, славините и рацете со сапун и вода најмалку 20 секунди, особено пред допирање на усните на бебето, по менување пелени и користење на тоалетот. Во случај да нема вода и сапун, советот е да се дезинфицираат рацете со раствор кој содржи најмалку 60 проценти алкохол. Доколку рацете се видно мрсни и валкани, потребно е да користите сапун и вода.
Предност на течните формули
Течните формула за доенчиња се стерилни, без траги од бактерии и не треба да доведат до инфекции доколку ги следиме упатствата за подготовка. Експертите наведуваат дека не е неопходно да се загрева бебешката формула пред да се нахрани детето, но сепак некои сакаат да го загреваат шишето на бебето, па советот е да не се загрева во микробранова печка.
Микробрановите нерамномерно ги загреваат млекото и храната, па се формираат екстремно „жешки точки“ кои можат да ја повредат устата и грлото на детето. Важно е редовно да се проверува рокот на траење на формулата за хранење бебиња. Шишето може да се загрее и под млаз топла вода, важно е да внимавате водата да не навлезе во шишето.
Топла вода од најмалку 70 степени
Во повеќето случаи, безбедно е да се подготви формула во прав за хранење на бебето врз основа на упатствата на пакувањето. Доколку бебето е изложено на поголем ризик, подгответе ја формулата користејќи врела вода, од најмалку 70 степени.
Сварете ја водата и оставете ја околу пет минути да се излади. Важно е формулата во прав да се измеша со топла вода, за да се уништат сите можни бактерии. Вака подготвеното млеко потоа се истура во чисто шише за хранење на бебето. Не е неопходно дополнително да се меша со лажици, за да не се предизвика контаминација.
Кога е подобро да ја фрлиме бебешката формула?
Важно е подготвената формула да се искористи во рок од два часа од почетокот на подготовката. Остатокот од детската формула фрлете го, не го ставајте го во фрижидер и не го чувајте за подоцна, бидејќи е можно да се развијат бактерии.
[…] Повеќе за ова прочитајте на порталот „Мајка и дете“. […]