Статистичарот Џејмс Хинд од Универзитетот Нотингем Трент вели дека родителите можат да пресметаат колку време ќе им треба на децата пред да станат немирни во автомобилот. Формулата гласи: T = 70 + 0,5E + 15F.
Истражување засновано на одговорите на 2.000 деца, заклучило дека времето (Т) кое ќе му треба на просечно дете за да полуди за време на долго патување со автомобил е 70 минути. Родителите можат да го одложат ова со воведување забава (Е) и храна (F), пишува Тајмс.
Исто така, се покажало дека присуството на браќа и сестри во автомобилот ги зголемува шансите за дивеење на задното седиште за 10 минути. Освен тоа, просечно дете ќе праша „дали стигнавме“ четири пати во текот на 32-минутното возење.
„Ако имате само едно дете можете да го забавувате и повремено да го поткупите со храна, би можеле да издржите два часа возење без изливи на бес. “, вели д-р Хинд.
Најголемите причини за изливите на бес при возење во автомобил кај децата се досадата (68 проценти), предолгото патување (62 проценти) и гладот (57 проценти).
„Забавата е клучна, но дури и тоа не успева кога станува збор за многу долго патување. Важно е да се прават паузи за да можат децата да го поднесат возењето, а родителите да бидат одморени“, предупредува д-р Хинд.