Навршувањето 30, 40, 50 или повеќе години може да изгледа застрашувачки, но научниците успеале да ја пресметаат максималната возраст до која човек може да живее и речиси може да гарантираат дека ви преостануваат уште многу добри години.
Наодите доаѓаат од студијата која ја спровеле статистичарите од Универзитетот Еразмус во Тилбург и Ротердам, кои ја проучувале возраста на која умреле 75.000 луѓе во Холандија во текот на 30 години до 2017-та.
Интересно е што тие не се фокусирале на очекуваниот животен век за да стигнат до нивните откритија. Наместо тоа, истражувачите сакале да испитаат колку долго може да живее поединецот ако се грижи за себе и ако неговиот живот не е скратен поради болест или други околности, пишува Unilad.
Земајќи предвид колку години имале луѓето во студијата кога умреле, истражувачите утврдиле дека максималниот животен век на една личност се деведесеттите, но тоа не значи дека тогаш ќе заврши. Истражувачите сугерираат дека е малку веројатно човекот да живее повеќе од 115 години, но откриле дека жените имаат малку подолг животен век од мажите.
Додека максималниот животен век за жените беше 115,7 години, се проценува дека мажите ќе достигнат максимална возраст од 114,1 година.
„Секако дека просечниот животен век е зголемен. Сепак, самата максимална горна граница не е променета“, изјавил за АФП професорот Џон Ајнмахл, еден од тројцата научници кои го спровеле истражувањето.
И покрај наодите на истражувачите, Ајнмахл признал дека има случаи кога луѓето ја кршат нормата и живеат подолго од предложениот максимален животен век.
Најстариот човек според Гинисовата книга на рекорди бил Јапонецот Џироемон Кимура, кој доживеал 116 години.
А на почетокот на минатата година, француската калуѓерка Андре почина на поодмината возраст од 118 години.
По нејзината смрт, Гинисовата книга на рекорди ја прогласи Марија Брањас Морера, родена во САД, за најстарата жива личност на светот, со 115 години. Во 2019 година, Морера даде интервју во кое ја припишува својата долговечност на „уредниот живот кој е општествено многу пријатен, добар и без инциденти“.
Морера е родена во Сан Франциско, Калифорнија на 4 март 1907 година, а се преселила во Каталонија во 1914 година. Починала оваа година во август, на 117-годишна возраст.