Воспитувањето син е голема привилегија, но исто така може да биде напорно искуство. За да станат добри луѓе, прекрасни татковци и мажи, мора да ги научите на следните работи.
Еден ден вашето мало момче ќе стане возрасен, независен маж и тогаш нема да биде потребно да се грижите за него, но дотогаш би требало да научи многу од тоа.
Следуваат неколку важни работи, на кои секоја мајка би требала да го научи својот син:
1. Да биде галантен и да ги почитува жените.
Иако изгледа дека овие две работи одат заедно, понекогаш и не е така. Ако го научите да пронајде рамнотежа помешу галантноста и почитувањето, вашето дете ќе порасне во вистински господин.
2. Секогаш да исчисти зад себе.
Немојте да дозволите вашиот син да очекува неговата идна девојка или сопруга да чисти и да ги раскренува работите по него. Научете го своето дете да има навика да исчисти зад себе и самиот да се грижи за себе, не потпирајќи се на другите.
3. Никогаш да не дозволи девојката да го скара со пријателот.
Веројатно вашиот син во текот на растењето многупати ќе се вљуби и одљуби, но добрите пријатели од детството обично остануваат покрај нас целиот живот. Објаснете му на својот син дека најдобрите пријатели се како членови на семејството и дека никому не треба да дозволи да ги раздели и замени.
4. Ако некој се обидува да го промени, тој не го заслужува неговото време и труд.
Без разлика дали станува збор за девојка или пријател, ако не го сакаат вашиот син онаков каков што е никогаш нема да го засакаат, без разлика колку труд вложил да се промени. Ако сосема се промени, вашиот син нема да биде среќен бидејќи не останал верен на самиот себе.
5. Секогаш да се ракува цврсто и да ги гледа луѓето во очи.
Овие два манири се многу важни за да го заслужите почитувањето на луѓето, без оглед дали станува збор за работа или за запознавање нови пријатели. Исто така, битно е вашиот син да развие чувство некого да поздрави и да ги честита важните дати.
6. Секогаш нема да биде силен.
Понекогаш животот умее да биде тежок и никој не би требало да глуми сила и да се обидува да се избори со сите препреки и проблеми. Научете го синот дека е во ред да направи грешка или да доживее пораз, бидејќи на тој начин во иднина ќе научи важна лекција.
7. Да не прави нешто погрешно само за да не испадне кукавица во друштвото.
Вашиот син веројатно во текот на растењето ќе биде во искушение да направи нешто лошо за да биде прифатен во друштвото. Научете го дека пријателите кои го наведуваат да направи грешка и не се вистински пријатели.
8. Да разбере дека самиот си е одговорен за своите грешки.
Ова е една од најзначајните лекции која треба да му ја одржите на својот син. Тој мора да научи да ја преземе одговорноста за своите грешки и да научи нешто за нив. Исто така, многу е битно да знае кога е потребно да им се извини на луѓето кои ги повредил.
9. Семејството секогаш да му биде на прво место.
Научете го дека членовите на семејството се негови најдобри пријатели и дека секогаш треба да биде покрај нив. Кога ќе остарите ќе сфатите дека оваа лекција ќе вроди со плод, бидејќи вашиот син ќе биде во најтешките моменти покрај вас.
10. Не е срамота да праша кога нешто не знае и да послуша нечиј совет.
Вашиот син треба да сфати дека е во ред ако нешто ве праша или ако побара совет. Исто така, битно е да не се кријат ниту малите проблеми, бидејќи со криењето само ќе прераснат во големи. Покажете му дека може секогаш да ви верува и дека секоја негова тајна кај вас е целосно безбедна.