Веројатно сте слушнале безброј пати, а и самите знаете дека родителството е најубавата и најтешката задача во исто време.
Без разлика колку книги ќе прочитате и колку семинари ќе посетите, секогаш ќе има нови ситуации за кои никој не ве подготвил.
Нови аргументи и нови предизвици се појавуваат како што се развива вашето семејство и родителството.
Сепак, со овие трикови ќе биде многу полесно… а тоа не се само практични совети, туку начини за воспоставување поздрави односи и комуникација со децата, пренесува Yourtango.
Еве пет клучни трикови кои можат да ви помогнат да бидете посреќен и поопуштен родител:
Бирајте ги битките
Секој родител знае колку може да биде исцрпувачки постојано да се расправате со децата.
Клучот е да научите кои битки вреди да се водат и кои е подобро да ги оставите.
На пример, ако детето не ја става валканата облека во корпата, наместо постојано да се расправате, оставете ги природните последици да си го одработат своето.
Кога ќе сфатат дека немаат чиста облека, или дека ќе носат валкана, ќе почнат да ја ставаат облеката во корпа.
Дали сакате да бидете во право или да бидете среќни?
Честопати родителите се обидуваат да бидат во право во речиси секоја ситуација, но понекогаш е подобро да ги оставите децата сами да одлучуваат, дури и ако вие не се согласувате со нив.
Треба да им се дозволи да учат од своите грешки. Важно е да бидете присутни кога работите ќе тргнат наопаку, но вашиот збор не мора секогаш да биде последен.
Најдете „мото“
Воведувањето фрази што ги повторувате во одредени ситуации може да ја олесни комуникацијата со децата.
На пример, кога детето вели „Не е фер“, можете да одговорите со „Животот не е фер, ќе преживееш“.
Оваа фраза ја намалува можноста за дополнителни расправии и ви го олеснува справувањето со ситуацијата.
Кога детето постојано го повторува истото прашање, можете да му кажете „Ти праша, јас одговорив“.
Поставете јасни граници
Децата многу добро знаат да ве истрошат и често ги избираат најлошите можни моменти за дискусија. Препознајте ги овие моменти и поставете јасни граници.
На пример, ако детето започне расправија во автомобилот на пат до трговскиот центар, на пат, или на гости, свртете го автомобилот и вратете се дома.
По неколку пропуштени „патувања“, детето ќе научи да ги води расправиите пред или по возењето.
Вие сте возрасни
Повторете: „Тука сум, јас сум возрасна личност!”
Вие ги поставувате правилата, границите и донесувате одлуки.
Бидете доследни во вашите одлуки и дајте јасно на знаење за што може да се дискутира, а за што не.
На пример, домашните работи, џепарлакот, времето за спиење, не се предмет на дискусија. Животот не е секогаш фер, но вашата улога е да бидете стабилна фигура која го води главниот збор.
Овие совети можат да ви помогнат да бидете посреќен и помирен родител.
Избирајќи љубов наместо страв, го намалувате бројот на расправии и создавате попозитивен амбиент за вашите деца.