Разговорот со децата за постоењето на Дедо Мраз е важен чекор во родителството. Ова е чувствително прашање што може да влијае на имагинацијата на детето, емоционалниот развој и целокупното празнично искуство.
Постојат различни вообичаени стратегии кои родителите ги применуваат во овој контекст за да го прилагодат пристапот кон своите деца во согласност со нивните сопствени верувања, вредности и возраста на децата. Важно е да се земат предвид индивидуалните потреби на секое дете и да се создаде безбеден и поддржувачки простор за дијалог за магијата на празниците и мистериозните ликови како Дедо Мраз.
Пуштете ги децата да веруваат
Психотерапевтката и мајка Андреа Наир за Today изјавила дека слушнала премногу клиенти како зборуваат за тоа како се чувствувале „измамени“ и колку биле шокирани кога ја дознале вистината за Дедо Мраз. Така, таа се обидува да биде целосно искрена со сопствените деца и вели дека Дедо Мраз секогаш го опишува како „лик од приказна“.
Наречете го тоа магија
„Девон Корнеал, адвокатка од Њу Џерси и блогер за родители, не смета дека приказната за Дедо Мраз е лага. „Кога мојот четиригодишен син Купер ме праша: Како Дедо Мраз патува низ светот?, јас одговорив: Тоа е магија.“
Корнеал вели дека има премалку магија во нашиот секојдневен живот и дека наскоро нашите малечки ќе пораснат, ќе ги плаќаат сметките и ќе одат на работа секој ден. Затоа Дедо Мраз е вистински и посебен дел од празниците во нејзиниот дом. Нејзиниот сопруг носи костим за Дедо Мраз секој Божиќ за нивниот син да може да има „вистинско видување на Дедо Мраз“. Една година седела на скалите со својот син и ѕиркала низ оградата додека Дедо Мраз ставал играчки под нивното дрво.
Дедо Мраз нека биде асоцијација за подарување
„Целата збрка со Дедо Мраз всушност не се однесува на христијански празник или религиозен симбол“, вели Ребека Манстерер, авторка на Mrs. Claus and The School of Christmas Spirit.
„На крајот на краиштата, погледнете ги сите празнични акции за облека, храна и играчки во овој период од годината. Тоа е она што тој го прави: духот на давање и добра волја. Тоа е она што се обидувате да им го пренесете на децата“, додава таа.