„Да се има мајка која сака да контролира може да го обликува однесувањето на мажот во врската на начини кои понекогаш се суптилни, а понекогаш и крајно очигледни“, изјавила семејната и брачна советничка, Тина Феј, за Hack Spirit.
Таа издвоила три однесувања во врската што укажуваат на тоа дека мажот бил одгледан од мајка која контролира.
Страв од судири
Една вообичаена карактеристика на мажите воспитани од мајки што контролираат е длабоко вкоренет страв од судири, вели Феј.
„Мажите кои биле контролирани од нивните мајки често го поистоветуваат судирот со опасност или нестабилност. Нивната природна реакција е да го избегнуваат по секоја цена, што може да доведе до неискажани незадоволства и потиснат гнев во врската”, објаснува таа.
Надминувањето на стравот од судир не значи секое несогласување да се претвори во битка.
Се работи за тоа да имаме храброст да ги изразиме нашите чувства и да ги слушаме нашите партнери со почит и разбирање.
„Запомнете дека отворената комуникација е основата на секоја здрава врска, а директното соочување со проблемите често може да ги спречи да излезат од контрола“, додава советничката.
Зависност
Однесувањето кое често се поврзува со мажи израснати од мајки кои контролираат е зависноста.
„Како експерт за односи, видов дека мажите кои се воспитувани од мајки кои контролираат понекогаш може да се борат со зависноста во нивните возрасни врски“, вели Феј.
Ова е модел во кој едно лице претерано се потпира на својот партнер за емоционална или психолошка поддршка, често по цена на сопствената благосостојба.
Таквото однесување може да доведе до нездрава динамика во врската.
„Ако ова ви звучи познато, не грижете се.
Достапна е помош. Можно е да се формира поздрав стил на приврзаност кој овозможува взаемна поддршка, без да се изгубите себеси во тој процес“, тврди советничката.
Тешкотии во изразувањето на емоциите
Растењето со мајка која контролира понекогаш може да резултира со тоа што мажот ќе научи да ги потиснува своите емоции бидејќи нивното изразување може да доведе до конфликт или негативни реакции.
„Во иднина, ова може да се претвори во тешкотии во пренесувањето чувства на партнерот.
Овој недостаток на емоционална комуникација може да доведе до недоразбирања и чувство на фрустрација во врската.
Сепак, овој проблем може да се реши со трпение и разбирање.
Поттикнување на отворени разговори за емоциите и чувствата можат да доведат до подлабоки врски и поздрава динамика на односите“, заклучила Феј.