Левораките луѓе сочинуваат околу 10% од светската популација, а некои од најпознатите и најпаметните луѓе во историјата биле леваци. Некогаш одамна оваа особина се сметаше за лоша, а луѓето поради тоа беа изопштувани од општеството.
Меѓутоа, како што минуваа вековите и еволуираше науката, стана јасно дека тие се подеднакво паметни, ако не и попаметни, во одредени области од деснораките луѓе.
Истражувањето објавено во American Journal of Psychology сугерира дека левичарите имаат предност кога станува збор за креативноста. Студијата покажува дека тие се подобри во истражувањето на различни креативни и иновативни решенија за некој проблем.
Студијата спроведена од The Left-Handers’ Club (про-левичарска група посветена на истражување на левораките) на преку 2.000 левораки и деснораки учесници покажала дека левичарите повеќе ги привлекуваат кариери во уметноста, музиката, спортот и информатичката технологија.
Левичарите имаат предност во спортовите еден на еден како тенис, бадминтон и бокс. Во својата книга The Left-handed Puzzle, лингвистот Рик Смитс објаснува дека и левораките и деснораките обично тренираат против деснораки противници. Така, кога десничарите се соочуваат со левак противник, тие се понеподготвени од нивните левораки противници.
Студијата од 2019 година покажала дека во боксот 17% од борците се леваци, како и 12,5% од борачите. Тоа, во споредба со 10% од општата популација леваци, е голем процент. Студијата, исто така, покажала дека овие борци имаат повеќе од 50% шанси да победат во борба против деснорак противник. Тоа значи дека се поуспешни и во боречките вештини.
[…] Повеќе за ова на порталот „Мајка и дете“. […]