Уште пред да знаеме како всушност ќе ги воспитуваме нашите деца, пред да одлучиме (свесно или несвесно) за стилот на воспитување што сакаме да го усвоиме, пред воопшто да станеме родители – веќе знаеме што нема да правиме како нашите родители. Тоа е она што не држи – да не ги повторуваме нивните грешки. Меѓутоа, во пракса тоа не е баш така…
Родителството многу се менува од генерација на генерација, така што некои практики кои важеа за нашите родители не можат воопшто да поминат денес. Некои ни се незамисливи, некои се далеку од нас, од некои се згрозуваме, а за некои сфаќаме дека всушност биле добри без разлика колку сме се бореле против нив. А како тоа изгледа од перспектива на денешните баби и дедовци?
Во виртуелната заедница на порталот HuffPost, ги прашаа бабите и дедовците: што мислат тие за денешните родителски практики? Еве што одговорија.
„Моите деца се толку посветени на своите деца што е прекрасно! Тие користат нежни техники на родителство, дури и со предизвикувачките карактери на нашите внуци, им обезбедуваат здрави издувни вентили и се обидуваат да ги негуваат и нивните пријателства. Тие се сто пати подобри од мене. Но, јас тоа морав да го правам со пет деца. Би го избрала родителството на моето дете наместо моето, секој пат!“ – Ен В.
„Мразам да го кажам тоа, но генерално гледано, сум видела многу малку примери на вистинско родителство! Возрасните се премногу зафатени со своите уреди за да бидат родители, па едноставно им даваат уреди на своите деца за да ги држат зафатени. Во мојата генерација, многу родители го правеа истото со телевизорите кои тогаш беа прилично нови. Ах, и подобро да не почнам да зборувам за тоа како сега ги пуштаат своите деца да трчаат низ ресторани и во авиони!“ – Сани П.
„Луѓето кои избираат нежно родителство треба навистина да се едуцираат за тоа како функционира ако се обидуваат да постигнат одредени цели за нежно родителство. Луѓето често го мешаат ова со попустливо родителство.“ – Марни Х.
„Дефинитивно ми се допаѓа тоа што ќерка ми е вредна, нежна и прекрасна мајка, а мојот зет е неверојатен татко кој успешно носи половина од товарот. Сите деца би биле среќни кога би имале вакви родители. Но, не ми се допаѓа трендот на тажно беж родителство.“ – Анџела А.
„Навистина посакувам Амазон да постоеше тогаш. Само испораката на пелени ќе ме направеше несомнено благодарна.“ – Сузан С.
„Навистина ми се допаѓаат повеќето трендови и се надевам дека ќе живеам доволно долго за да видам какви ќе станат овие малечки во зрелоста. Забележувам дека повеќето деца денес не се доволно емоционално регулирани за да се однесуваат пристојно во ресторани и тоа е единственото нешто што нема смисла за мене.“ – Рем Џ.
„Трката без цел ги вознемири децата. Мислам дека генерално треба да заборавиме на престижната гимнастика, приватните тренери, наставниците, подготвителните курсеви за факултет веќе во адолесценција. Дозволете им на децата да уживаат во младоста и да престанат да се фокусираат на нивната „иднина“ од моментот кога ќе ја напуштат утробата.“ – Daун J.
„Тие трошат премногу време на проклетиот телефон!“ – Сузан Ф.
„Премногу родители денес се „пријатели“ со своите деца, така што никој нема контрола!“ – Мерилин Ц.
„Почитта и манирите ми се многу важни. Речиси никој повеќе не вели „благодарам“. Исто така е многу непристојно да не се враќаат пораки. Друга лоша навика е вообичаеното доцнење. Запомнете, децата учат од она што го доживуваат. Квалитетното време поминато со децата е исто така исклучително важно. Квалитетното време е време поминато надвор, а не внатре играјќи видео игри.“ – Карен Ц.
„Моите деца се одлични, нивните деца играат како што треба. Тие се надвор, играат во кал, возат велосипеди, учат. Внатре си играат со играчки, прават загатки и читаат, а нема технологија, освен малку ТВ.“ – Марија Л.
„Моите деца се многу подобри родители од мене. Тие прават неверојатна работа.“ – Алан А.
„Мојата ќерка и зет имаат двајца тинејџери. Нивното родителство заслужува 5+ досега.“ – Роуз А.