„Не знам што да правам, и како да се справам со ова!“, ми рече неодамна една мајка низ солзи. Нејзиниот свет се распаднал и изгледа како да е невозможно повторно да се изгради.
Нејзината седумгодишна ќерка ноќе вреска, постојано плаче и мочка во кревет. И има причина за тоа. Девојчето се образува дома, не посетува училиште и потекнува од добро ситуирано семејство. Нејзините пријатели се од слични семејства кои се школуваат дома и добро функционираат. И двапати неделно посетува часови по танц со група од околу 15 девојчиња од 7 до 12 години.
„Ние ја штитиме. Се трудиме убаво и навремено да ѝ ги пренесеме сите информации“, вели мајката низ солзи. Работата е што пред една недела на час по танц, на пауза, девојчињата решиле да разговараат за секс. И ќерката ненамерно учествувала во разговорот. Она што го слушнала ја преплаши; не можела да верува дека е вистина. Нејзините мајка и татко ѝ зборуваат за нешто друго – зборуваат за галење, за гушкање! За да докажат дека е наивна и дека греши, на еден од телефоните ѝ покажале порнографски сцени. Очигледно, тоа било нешто многу експлицитно, што вклучува повеќе луѓе, вклучително и истополови односи.
Мајката дошла по расплаканата ќерка која почнала да повраќа во автомобилот. Отпрвин мислела дека се работи за некој вирус, но вечерта, пред да заспие, девојчето собрало храброст и рекло:
„Мамо, дали сексот навистина е таков? Толку ужасен и одвратен? Не ми го кажа тоа!“ Мајката била запрепастена.
„Секако дека не, драга моја, сексот е убав. Тоа е кога двајца луѓе се сакаат и спијат во ист кревет, гушкајќи се…“
„Мамо, видов!!!”, плачела малечката и опишала што видела, поради што на мајката ѝ се кренала косата на глава.
Детето претрпело психичка траума. Мајката е уште потрауматизирана. И двете сега одат кај психолог… Како се случило тоа? Сите девојчиња во класата по танц доаѓаат од пристојни семејства.
Освен едно од нив, чии родители моментално се разведуваат, а чиј татко веќе има љубовница. Малото девојче случајно ги фатило заедно. А сега, главна тема која ги окупира мислите на ова десетгодишно девојче е сексот. Таа не може да го задржи тоа во себе, веќе видела премногу. Не може да разговара со своите родители за тоа, па тоа го вади надвор и разговара со другите деца. Да го сподели својот товар.
И нејзината траума се множи. Таа е како пчела која ги опрашува другите деца. И не би било толку лошо ако ги опрашува со нектар. Девојчето, кое не разбира што прави и кое и самото е длабоко трауматизирано, е производ на нашиот сегашен свет: децата имаат пристап до Интернет од 7-годишна возраст; децата учат сè многу рано – не само зборови. Децата кои немаат емотивна врска со родителите…
И излегува дека дури и ако го заштитите вашето дете, создадете соодветни услови, тоа не е имуно на такви случајни изложувања.
Единственото нешто што може да помогне е односот на доверба. Значи, ако се случи вакво нешто – тие доаѓаат кај вас со тоа. Тогаш можете да им помогнете.
Но, што ако се затворат, станат раздразливи, се заклучат во својата соба или во бањата, проучуваат различни видеа и фотографии? Во овој случај родителите уште повеќе ќе се грижат и уште повеќе ќе го притискаат детето, а ситуацијата нема да се реши.
Во свет каде темнината се шири толку лесно и брзо, тоа се случува само затоа што светлината спие. Светилниците се гаснат, темнината се ослободува.
Не можеме да ги заштитиме децата од овој свет. Но, можеме да им дадеме спас во форма на нашата љубов и доверба. Со разговор за тешки теми со детето, дури и ако ни се потат дланките. Со тоа што ќе им дадете информации пред светот, во помека форма. И со тоа што сме присутни, гледаме кога треба да бидеме таму и да ги слушаме.
Разговарајте со децата за тешки теми, бидете проактивни. Никогаш не знаеш каде и како можеш да бидеш совладан од туѓите гласови. И да, довербата е важна, бескрајно важна!
Текстот е од ТУКА.