Мајка од Канзас Сити во Соединетите Држави сподели на нејзиниот профил на Тик Ток видео од нејзиното слатко бебе како спие. Ништо необично и вредно за спомнување, додека на видеото не се види како новороденото бебе се прозева и го открива редот бели заби со кои е родено, што е многу неочекувано за новороденче, нели?
Новопечената мајка била зачудена кога открила дека нејзиното бебе е родено со неколку целосно израснати заби, а како што вели и персоналот од болницата каде што се породила се изненадил бидејќи досега не виделе доенче со заби.
На својот профил @jordanvilson_bloss, според The Sun, таа во описот на видеото напишала: „Кога вашето бебе ќе се роди со заби, а целиот персонал во болницата е во неверување затоа што досега не го виделе ова“. Во описот на видеото стои и дека според некоја статистика, едно од 2000 бебиња се раѓа со никнати заби.