Ако имате чувствително бебе, ќе бидете среќни кога ќе дознаете дека почувствителниот темперамент на вашето дете всушност може да биде показател за неговото позитивно однесување во иднина. Новото истражување за однесувањето на бебињата и децата во градинка открило дека чувствителните бебиња подоцна повеќе сочувствуваат со емоциите на другите и израснуваат во деца кои сакаат да помагаат.
Научниците од Универзитетот во Вирџинија им покажале „преплашено лице“ на сите шестмесечни бебиња кои учествувале во истражувањето. Потоа ги проучувале реакциите на бебињата следејќи ги нивните движења на очите. Кога ги собрале истите овие бебиња осум месеци подоцна, проучувале како се развило нивното однесување и реакциите на емоциите на другите луѓе.
Момчињата се почувствителни од девојчињата во првата година
Откриле дека бебињата кои биле најчувствителни на „преплашеното лице“ – пораснале во сочувствителни деца кои со задоволство помагаат. Овие деца лесно забележуваат како се чувствуваат другите околу нив и имаат тенденција да се поврзат со другите на многу позитивни начини.
Што значат изразите на лицето на бебето?
„Истражувањето покажало дека бебињата кои обрнуваат внимание на „преплашените лица“ се поподготвени да помогнат на 14 месеци, а анализата открила дека алтруистичкото однесување на возраст кога децата одат во градинка е поврзано со реакциите на децата на преплашени, а не на среќни или лути лица“, се вели во студијата, а истражувачите исто така додаваат дека нашето препознавање на емоциите на другите луѓе се формира на рана возраст.
„Нашите резултати покажуваат дека постои континуитет на грижа од самиот почеток, заедно со индивидуалните разлики во покажувањето реакции на туѓите емоции кои го мотивираат просоцијалното однесување“, објаснил авторот на студијата Тобијас Гросман.