Овој стил на родителство е најштетен за развојот на детето – истражувањата потврдуваат
Нема совршени родители, ниту пак постои совршен начин за одгледување дете, бидејќи родителството не може да се научи, тоа е вештина. Постојат многу стапици во одгледувањето деца и понекогаш родителите, можеби со најдобри намери, прават грешки.
Ги одгледуваме децата во различни стилови, но одредени видови родителство можат да му наштетат на развојот на детето, и физички и ментално.
Поранешната деканка на Стенфорд и авторка на „Како да одгледате возрасна личност“, Џули Литкот-Хејмс, верува дека претерано вклученото родителство, познато и како хеликоптер родителство, не е добро за децата.
„Толку многу сакаме да им помогнеме што ќе ги водиме ги од пресвртница до пресвртница и ќе ги штитиме од неуспех и болка. Но, претераното помагање предизвикува штета“, пишува таа.
Ако сте премногу вклучени во животот на вашите деца и се грижите за секој проблем или предизвик со кој се соочуваат, им ја одземате можноста да научат кои се тие во нивната суштина, како да решаваат проблеми и како да се движат низ светот и животот како возрасни.
И кога ќе пораснат, нема да знаат како да прават ништо и како резултат на тоа ќе станат анксиозни. Дете кое нема можност да проба одредени активности и предизвици, но исто така не му е дозволено да прави грешки од време на време, се соочува со недостаток на самодоверба, што негативно влијае на неговото ментално здравје.
„Наша работа како родители е да се оставиме себеси без работа“, вели Литкот-Хејмс. „Треба да знаеме дека нашите деца се способни да станат наутро и да се грижат за себе“, пишува Your Tango.
Родителите можат да ги научат своите деца да бидат самостојни со промовирање вештини што ќе им бидат потребни во реалниот живот.
Конечно, дајте им доволно простор сами да ги вежбаат овие вештини и дозволете им да прават грешки, за да можат да учат од своите грешки и да избираат сами. Неуспехот не е крај на светот – тоа е само чекор во процесот.
Најдоброто нешто што можете да го направите за вашите деца е да им дозволите да бидат тоа што се.