Најдобрите ајурведски билки за лекување на неплодност: Ова се 4 билни помошници за сѐ почестиот проблем кај паровите

Неплодноста е сѐ почест проблем кај паровите во денешно време.

Ова му се припишува на стресот, внесувањето нездрава храна и напорите на модерниот живот, а често е резултат и на некоја друга болест.

Машката неплодност обично е предизвикана од:

проблеми кои влијаат на производството на сперма или транспортот на спермата

дебелината

генитоуринарни инфекции

оштетување и повреда на делови од репродуктивниот систем.

Причините за женска неплодност се:

оштетување на фалопиевите туби

отсуство на овулација

воспаление

цисти

миоми

ендометриоза

нарушување на менструалниот циклус.

Многу достапни третмани за плодност се болни, инвазивни, скапи и стресни.

Поради оваа причина, сè поголем број двојки се свртуваат кон природни третмани за неплодност, кои вклучуваат стимулација на плодноста преку природна исхрана, промени во животниот стил и третман со билки.

Виталната улога на „вришја“ и „ојаса“ во здравата исхрана

Одредени видови храна и билки посебно го подобруваат репродуктивното ткиво кај мажите и жените.

Оваа храна во Ајурведата се нарекува „вришја“.

Таа вклучува шпароги, брокула, млеко, урми, манго и пудинг од ориз.

Корисните зачини вклучуваат ким (ја чисти матката кај жените и генитоуринарниот тракт кај мажите), куркумата (ја подобрува интеракцијата на хормоните и целните ткива) и црниот ким (ја подобрува плодноста).

Храната за жени вклучува житарки како киноа кои ја зајакнуваат естрогенската активност и ја поддржуваат хормоналната активност.

Овошјето како папаја и ананас се исто така корисни за зајакнување на јајце клетките.

Куркумата помага во врзувањето на естрогенот и прогестеронот.

Храната за мажи вклучува шпароги, зелен лиснат зеленчук и зелка кои го зголемуваат нивото на тестостерон во телото, како и бадеми и урми кои ја подобруваат функцијата на репродуктивното ткиво.

Храната што ја зголемува „ојас“ (виталната енергија) е исто така важна бидејќи таквата храна е од витално значење за регулирање на овулацијата и поттикнување на оплодувањето.

„Ојас“ намиртниците вклучуваат млеко, ги, јаткасти плодови, сусам и семки од тиква, мед, шафран, авокадо, свежо органско овошје и зеленчук, растителни протеини од грав и грашок и цели зрна.

Најпознатите ајурведски билки за третман на неплодност

Во ајурведската медицина, за лекување на неплодност се користат комбинации на растенија. Правилната комбинација на лековити билки помага да се регулира менструалниот циклус, да се балансира ендокриниот систем, да се ревитализира спермата (зголемувајќи гота бројот на сперматозоиди, морфологијата и подвижноста) и да се подобри протокот на крв во карличната празнина, а со тоа да се поттикне плодноста.

Исто така, го поддржува општото здравје, го намалува стресот и го зголемува нивото на енергија. Подолу е листа на најчесто користени билки кои се препорачуваат за подобрување на плодноста и намалување на стресот.

1. Шатавари

Шатавари (Asparagus racemousus) помага во регулирањето на менструалниот циклус, што може да биде важно за зачнувањето.

Бидејќи е ефикасен адаптоген, може да биде корисен и за проблеми со плодноста предизвикани од стрес.

Шатавари исто така се смета за афродизијак и за мажите и за жените и може да ги зголеми шансите за зачнување.

2. Ашваганда

Ашвагандата (Withania somnifera) може да помогне во зајакнувањето на плодноста и да го поттикне репродуктивното здравје, особено кај мажите.

Го зголемува нивото на тестостерон и природно го подобрува квалитетот и подвижноста на спермата.

3. Амалаки

Амалаки (Emblica officinalis) го поддржува репродуктивниот систем на мажите и жените и може да помогне да се надминат тешкотиите при зачнувањето.

Особено ги храни женските генитални органи и ја зајакнува матката.

4. Капикачу

Kappikachu (Mucuna pruriens) е познат како моќен афродизијак кој го зголемува нивото на тестостерон во телото.

Ја зголемува подвижноста и бројот на сперматозоидите, квалитетот на спермата и ја одржува нејзината здрава рамнотежа.

Ајурведските билни комбинации се земаат 3-12 месеци, по совет и препорака на ајурведски лекар.