По стапките на Самобор кој стана првиот град во Хрватска што ја воведе мерката „Баба-дедо сервис“, која им овозможува на бабите и на дедовците да добиваат по 360 евра финансиски надоместок за чување внуче на возраст од една до четири години, тргна и градот Крижевци.
Едно од изборните ветувања на градоначалникот на Крижевци беше воведувањето на оваа услуга, а најавениот износ е 250 евра по дете.
Градот вели дека грижата за децата во семејна средина е еден од највисоките приоритети и дека мерката ќе биде лансирана во текот на четиригодишниот мандат.
Бабите и дедовците во Самобор добиваат 360 евра за чување внуци, а надоместокот може да се користи за повеќе деца.
За да го остварат ова право, бабите и дедовците мора да имаат статус на пензионер, а дете на возраст од една до четири години не може да биде запишано во градинка.
Оваа мерка беше воведена во Самобор по примерот на Шведска.
– Изборната програма на градоначалникот се однесува на мандатниот период, а времето на спроведување на одредени мерки ќе зависи од финансиската состојба на Градот Крижевци, навеле оттаму.
По прегледот на работењето и утврдувањето на фактичката состојба на обврските во однос на фактичката состојба на приходите, ќе се утврди динамиката на воведувањето и финансирањето на нови мерки и проекти.
Мерката за грижа за деца во семејна средина е еден од највисоките приоритети, со оглед на моменталниот недостаток на капацитети во градинките.
Исто така, важно е да се напомене дека споменатата мерка е планирана како дополнителен избор за родителите, а не како замена за градинката.