На прв поглед се е совршено, смеа, заеднички интереси, стабилност. Но, Лахлан Браун (главен уредник и основач на Hack Spirit, инаку, дипломиран психолог кој 15 години длабоко ја проучува човечката психологија и односите), открива суптилна неспојливост која, како што вели, дури 95 отсто од паровите не ја забележуваат навреме.
Подолу откријте неколку знаци кои можат да ви помогнат да препознаете дали вие и вашиот партнер навистина сте компатибилни.
Комуникација без разбирање
Дали често зборувате, но имате чувство дека не се слушате? Квалитетната комуникација значи внимателно слушање, разбирање и потврдување на чувствата, а не само размена на реченици, истакнува Браун за Hack Spirit.
Недостаток на заеднички вредности
Еден од вас сонува за мирен живот, другиот за авантури? Основните вредности како што се ставовите кон семејството, парите или амбициите ја прават разликата. Кога се премногу различни, често се појавуваат конфликти кои не исчезнуваат со текот на времето.
Спротивни стилови на решавање конфликти
Додека некои сакаат веднаш да зборуваат за проблемите, други ги избегнуваат. Ако вашиот партнер постојано молчи или се повлекува, а вие сакате да разговарате, фрустрациите ќе растат.
Неусогласена смисла за хумор
Можеби ви звучи тривијално, но хуморот ги поврзува луѓето. Ако не можете да се смеете на исти работи заедно, ќе ви недостасува клучен елемент на поврзување и релаксација.
Недостаток на меѓусебно почитување
Ако вашиот партнер ве омаловажува или не го сфаќа вашето мислење сериозно, ова не е само знак на некомпатибилност, туку и потенцијално токсична врска. Почитта е основа на здрава врска.
Премногу сличности
Иако звучи идеално сите ваши интереси да се заеднички, тоа може да доведе до монотонија. Браун објаснува дека разликите често нè надополнуваат и не туркаат надвор од нашите комфорни зони, што го поттикнува личниот раст и развојот на односите.