Родителите милениумци и оние од генерацијата З воспитуваат деца во свет кој е многу различен од оној во кој тие пораснале. Тие се под влијание на новите општествени очекувања, технолошкиот напредок и промените во филозофијата на родителството.
Експертите од The Times of India тврдат дека постојат осум најчести проблеми со кои се соочуваат родителите од генерацијата З и родителите-милениумци денес.
Баланс помеѓу слободата и безбедноста
Една од целите на многу милениумски родители и оние од генерацијата З е да изградат независност на своите деца дозволувајќи им одреден степен на слобода. Сепак, тие се соочуваат со проблеми како што се притисокот од другите родители и општеството воопшто и често се критикувани дека се премногу слободни или премногу строги во воспитувањето.
Поставување граници без претерување
Многу родители од овие две генерации чувствуваат притисок да им дадат на своите деца слобода на изразување. Понекогаш таквото однесување води до попустливост што може да ја отежне дисциплината.
Балансирањето на разбирањето и авторитетот може да биде незгодно, особено кога децата очекуваат слобода без одговорност и ги тестираат границите на нивните родители.
Се „борат“ со претераната заштита на своите деца
Желбата активно да се вклучат во секој аспект од животот на детето доведе до она што често се нарекува „хеликоптер-родителство“, модерен стил на родителство заснован на висока контрола и прекумерна заштита на детето.
За разлика од сопственото детство, каде што имаше поголема слобода за истражување без постојан надзор, денешните родители често го прават сосема спротивното и го следат речиси секој потег на детето.
Управување со технологијата и времето пред екранот
Со лесно достапни паметни уреди, контролирањето на времето поминато на екранот стана главна пречка за оние кои воспитуваат деца денес. Денешните родители не само што се обидуваат да ограничат колку време поминуваат нивните деца пред екраните, туку и постојано се загрижени за содржината на која се изложени.
Ментално оптоварување со „совршено родителство“
Родителите – милениумци и од оние од генерацијата З често се преиспитуваат сами себе и си создаваат стрес поради нивната желба за таканаречено совршено родителство.
Тие се преплавени со совети од социјалните мрежи, блоговите за родители, разни книги и форуми на интернет, а понекогаш не знаат чии совети да ги прифатат во сопствените методи на родителство.
Не сакаат кога некој им дава несакани совети за родителство
Родителите од овие две генерациина честопати се предмет на судење за нивните родителски избори, од дисциплински методи до одлуки за школување. Справувањето со оваа несакана критика додека остануваат верни на нивните вредности може да биде предизвик за нив, пишува The Times of India.
Влијанието на социјалните медиуми
Во ера кога инфлуенсерите го споделуваат секој аспект од нивниот живот на интернет, вклучително и родителството, многу родители чувствуваат притисок да прикажат „совршена“ верзија на сопствениот семеен живот.
Постојаната желба да објавувате вести и да стекнете социјално одобрување може да ги намали автентичните врски.
Притисок да се прекинат генерациските циклуси
Многу милениумци и родители од генерацијата З активно се обидуваат да избегнат повторување на генерациски модели што можеби ги доживеале, како што се авторитарно родителство или недостаток на емоционална поддршка.
Тие се посветени на решавање на сопствената траума и обезбедување поздрава семејна динамика, но тоа може да биде ментално и емоционално исцрпувачки.