Родителите ве воспитале одлично ако не се жалите на четири работи

Одгледувањето на дете не е само обезбедување на основните потреби, туку и учење животни лекции. Една од тие лекции, која често открива многу за детството, е како се справувате со секојдневните предизвици.

Луѓето кои пораснале со родители кои ги научиле како да останат смирени и фокусирани дури и кога работите стануваат тешки, ретко ќе губат време на приговарање. Наместо тоа, тие ќе покажат отпорност, трпение и емоционална зрелост – особини кои не се случајни, туку се резултат на доследно, квалитетно родителство.

Според истражувањата, ова се некои од работите за кои добро воспитаните деца не се жалат.

1. Напорна работа

Ако не се жалиме за напорната работа, тоа е знак дека сме пораснале со родители кои нè научиле колку е важно да се трудиме и да преземеме одговорност.

Наместо фрустрација, сме научиле упорност и благодарност. Истражувањата покажуваат дека блискиот однос со родителите кои вложуваат дополнителен напор може да има силно влијание врз работните навики на детето како возрасен.

Родителите кои нè воспитале добро нè научиле дека проблемите не се решаваат со кукање, туку со тоа што сме спремни да ги засукаме ракавите, пишува YourTango.

2. Основни одговорности

Луѓето кои не се жалат на секојдневните задачи – како што се плаќање сметки или одење на работа – знаат дека животот не е секогаш лесен и дека тоа не е причина за жалење. Оваа подготвеност да се прифатат основните одговорности често доаѓа од дом кој поттикнува доследност и работна етика.

Според семејниот терапевт д-р Мајкл Унгар, децата кои поминуваат низ возрастно примерени последици развиваат чувство на одговорност и отпорност.

Кога ја гледаме одговорноста како сила, а не како товар, веројатно сме пораснале со родители кои свесно нè научиле да го правиме тоа.

3. Критика

Сите се соочуваме со критика, но она што нè прави различни е начинот на кој реагираме на неа. Ако знаеме како да ја прифатиме без одбранбен став, веројатно сме биле воспитани да веруваме во личниот раст и моќта на самопреиспитувањето. Луѓето кои не се жалат на критиката често ја гледаат како можност, а не како закана. Наместо да трошат енергија на огорченост, тие ја користат за раст и учење – силен знак за здрава емоционална основа.

4. Туѓите граници

Ако не се спротивставуваме кога некој ни поставува граница, тоа покажува дека сме пораснале со модел на здраво почитување на потребите на другите. Луѓето кои не драматизираат кога некој ќе каже „не“ разбираат дека блискоста не значи постојан пристап. Родителите кои ги учат своите деца за личните и границите на другите луѓе одгледуваат емоционално интелигентни луѓе. Наместо да се жалат, тие ги почитуваат границите на другите луѓе како форма на грижа – а не отфрлање.