Овој симптом покажува дека некој е на прагот на смртта: Медицинска сестра ги открива знаците на крајот
Еден од најзабележителните индикатори, според британската хуманитарна организација Marie Curie, се промените на рацете. Рацете, стапалата, надлактиците и нозете стануваат ладни на допир бидејќи циркулацијата се забавува и телото ја пренасочува енергијата кон виталните органи. И не е само тоа.
Смртта е природен дел од животот, а телото често испраќа суптилни, но препознатливи сигнали дека крајот е близу. Овие знаци можат да бидат физички, емоционални или промени во однесувањето, а оние кои работат со пациенти во последните фази од животот редовно ги препознаваат.
Еден од најзабележителните индикатори, според британската хуманитарна организација Marie Curie, се промените на рацете. Рацете, стапалата, надлактиците и нозете стануваат ладни на допир бидејќи циркулацијата се забавува и телото ја пренасочува енергијата кон виталните органи. И не е само тоа.
Намалениот проток на крв може да доведе до шарен изглед на кожата, со сини или црвени дамки што се појавуваат на посветлите тонови на кожата, а виолетови и кафеави на потемните тонови на кожата.
Знаци и преку дишењето
Овие знаци се појавуваат во последните фази од животот, понекогаш само неколку часа или денови пред смртта.
Експертите нагласуваат дека ова се природни промени што не предизвикуваат болка или непријатност. Освен рацете, промени може да се забележат и во дишењето, кое станува побавно, поплитко или неправилно, а некои луѓе развиваат свиреж во грлото или градите поради насобирање плунка или слуз.
Многу луѓе поминуваат повеќе време спиејќи или губат свест кон крајот, но се верува дека сè уште можат да слушаат гласови и да чувствуваат допир. Друг вообичаен знак е бледата, восочна кожа на лицето и опуштањето на мускулите.
Медицинските сестри, исто така, забележале феномен наречен „дофат на смртта“, момент кога лицето одеднаш ќе ги крене рацете како да посегнува по нешто над себе.
Ги подаваат рацете
Медицинската сестра Кејти Данкан, со искуство со работа во интензивна нега и хоспис, објаснува во вирално видео дека ова подавање до некого или нешто над себе често ги придружува таканаречените визии за крајот на животот.
Пациентите знаат да опишуваат светлина, ангел, починати најблиски или домашни миленици. Понекогаш дофаќањето е без зборови, а за семејството може да биде моќно и емотивно искуство.
Данкан нагласува дека лицето не трпи болка во тој момент, туку ги доживува овие моменти мирно, што, според неа, е многу честа појава.