Познато е дека домашните миленици можат да предизвикаат алергии кај бебињата, децата и возрасните. Тоа е чест проблем бидејќи децата многу ги сакаат животните, па родителите често се во дилема дали да им земат милениче и дали децата ќе развијат алергија на него.
Алергијата на домашни миленици вклучува реакција на протеините кои се наоѓаат во животинските клетки, секретот или урината. Најчеста причина за алергии на домашните миленици е изложеноста на мртвите клетки од кожата кои се отфрлаат со перутање. Иако секое животно со крзно може да биде извор на алергии, алергиите најчесто се поврзуваат со мачките и кучињата.
Меѓу најчестите симптоми на алергија се наведуваат:
-чешање на носот, непцето или грлото
-чешање, црвенило или насолзени очи
-кашлица
-чести будења и лош сон
-притисок на лицето и болка
-отечени и сини кругови под очите
-често триење на носот во нагорна насока.
Исто така, може да се развие и алергиски дерматитис кој се карактеризира со осип, чешање и егзема. Овој тип алергија, како и повеќето, има врска со генетиката, што значи дека ако некој од членовите на семејството е алергичен на домашни миленици, постои голема веројатност дека и детето ќе биде чувствително. Меѓутоа, ако тоа не е случај, а забележите реакција, најдобро е да направите мал тест.
Имено, ако симптомите се интензивираат или се појавуваат при директен контакт со животното. Доколку се сомневате и имате домашно милениче, видете дали алергијата ќе се смири ако домашното милениче го однесете некаде на неколку дена, а има и различни тестови со кои точно може да се идентификува причината за алергијата.
Кога бебињата, а подоцна и децата, се алергични на нешто во воздухот, без разлика дали тоа е полен, прашина или животински влакна, тие често ќе доживеат влошување на симптомите додека спијат ноќе. Но и утрата може да бидат тешки, бидејќи бебето не спиело доволно, а вдишувало алергени во текот на ноќта.
За да се заштитат од алергени, потребно е редовно да се перат постелнината и душеците со правосмукалка, да се отстранат тешките теписи и завеси од најблиската околина.
Сувиот воздух во становите е исто така една од честите причини за затнат нос и лош сон, како кај бебињата така и кај другите членови на домаќинството. Секако, ако станува збор за алергија на домашниот миленик, ништо од ова нема да помогне.
Ако сакате да имате домашно милениче, а мислите дека вашето дете може да е алергично, размислете да почекате додека детето не наполни шест години, бидејќи симптомите се поретки кај постарите деца. Алергијата на домашно милениче ќе предизвика силна кашлица кај вашето дете кога ќе има 4 или 5 години, но ако има 8 години, реакциите веројатно ќе бидат поблаги.