Дали мислите дека изгледате помладо од вашите врсници? Повеќето од нас живеат во илузија!

Повеќето луѓе мислат дека изгледаат многу помлади отколку што всушност се. Значи, дали треба да се бориме против интернализираната возрасна дискриминација и да ги прифатиме последиците од времето? Седнете, бидејќи имаме лоши вести: веројатно изгледате постаро отколку што мислите.

Не убивајте го гласникот – обвинете ја науката! Една неодамнешна студија објавена во списанието „Psychology and Aging“ откри дека 59 отсто од возрасните во САД, на возраст од 50 до 80 години, веруваат дека изгледаат помлади од другите луѓе на иста возраст, пишува Гардијан.

Особено жените со повисоки примања биле малку посклони да кажат дека мислат дека изгледаат посвежо од своите врсници; и само 6 проценти од возрасните во таа возрасна група мислеле (или перципирале) дека изгледаат постаро од другите луѓе на иста возраст. Накратко, повеќето од нас живеат во илузија.

Иако анкетата опфатила само луѓе постари од 50 години, веројатно е дека истите резултати би биле добиени доколку анкетирале кои било над 30 години. Нашиот мозок има вградени одбранбени механизми кои нѐ спречуваат да се соочиме со сопствената смртност.

Биолошката возраст на многу луѓе обично се разликува од нивната „субјективна возраст“ (или од тоа колку стари се чувствуваат).

Многу луѓе имаат 40 години во личните карти, но во главите се сѐ уште живи 29-годишници.

Огледалото знае
Да изгледате постаро не е страшно… всушност е ослободувачко да не се грижите повеќе за тоа што мислат луѓето, пишува британскиот весник.

Меѓутоа, болките, проблемите и модните неуспеси, ништо не нѐ прави постари или помлади од другите луѓе на наша возраст.

Како кога на социјалните мрежи одеднаш ќе се појават пријатели од училиште или факултет, а вие одеднаш, вознемирено, ќе сфатите дека свежата тинејџерка на која се сеќавате сега се претворила во средовечна возрасна личност.

„Секако дека јас не изгледам толку старо“, е првата мисла што ни паѓа на памет.

И тогаш се гледаме во огледало и ја сфаќаме суровата вистина.

Предноста на тоа да се биде „невидлив“

Не е толку лошо. Да изгледаме постаро има многу предности: помалку сме самосвесни и среќни што излегуваме од дома без шминка. Ослободително е да се стане „невидлив“ и повеќе да не се грижиш за тоа што мислат луѓето.

Но, да не претеруваме! Секоја нова брчка не ја дочекуваме со раширени раце. Имаме различни серуми и креми со ретинол во нашата бања. Повремено во паника кубеме по некое бело влакно од косата.

Според една студија од 2022 година, повеќе од 80 отсто од луѓето на возраст меѓу 50 и 80 години прифаќаат стереотипи за старосна дискриминација кои се усмерени на нив самите.

Почнуваме да ги апсорбираме „ејџистичките“ пораки уште од мали нозе, а благодарение на социјалните мрежи, кои се полни со инфлуенсери кои се фалат со нивните рутини за нега на кожата, тие пораки станаа уште понападни.

Дерматолозите во Велика Британија велат дека децата на возраст од 10 години бараат од родителите да им купат производи за нега на кожата против стареење. Шведски синџир на козметика објави дека 20-40 отсто од неговите клиенти сега се помлади од 13 години, а еден од водечките синџири на аптеки во земјата неодамна морал да стави старосни ограничувања на производите за нега на кожата против стареење бидејќи толку многу деца ги купувале производите. што всушност може да ја оштетат нивната кожа.

Интернационализираната возрасна дискриминација не го повредува само вашиот паричник и вашата самодоверба; може значително да влијае и на вашето здравје, заклучува Гардијан.

Студијата од 2002 година покажала дека луѓето со попозитивни самопретстави за стареењето живеат 7,5 години подолго од другите. Прифатете ја вашата субјективна возраст, со други зборови. Има многу вистина во клишето дека си стар толку колку што се чувствуваш.