Го фотографирате вашето дете на првиот училишен ден? Обрнете внимание на деталите, тие можат да бидат корисни за предаторите

Првиот училишен ден е секогаш возбудлив за учениците, но и за родителите.

Сепак, пред да го испратите вашето дете на училиште, погрижете се тоа да биде безбедно таму.

Американскиот центар за заштита и права на децата ги потсетува родителите да бидат внимателни кога споделуваат детали за нивните деца на социјалните мрежи, особено на првиот училишен ден. Според нивната изјава, „фотографиите на кои се гледа името на училиштето, името на детето, возраста или името на наставникот може да им дадат вредни информации на предаторите, измамниците и насилниците“.

Центарот има три главни совети за родителите кои ги фотографираат децата на првиот училишен ден.

Ограничете ги личните информации:

Избегнувајте споделување информации за идентификација како што се името на наставникот на вашето дете, името на училиштето и омилените активности.
Неутрални позадини:

Проверете дали позадината на вашите фотографии не открива никакви информации за локацијата, како што се адреси или знаменитости.
Селективно споделување:

Фотографирајте повеќе фотографии, ако баш сакате, некои за социјалните мрежи, а други за приватно споделување со членовите на семејството и пријателите.
Од Центарот велат дека предаторите често собираат и користат лични информации од социјалните мрежи за да градат профили и да воспостават односи со децата и семејствата, па нивното правило гласи: „Колку помалку информации, толку подобро“.