Кога детето е подготвено само да оди во продавница?

497

Прашањето кое се наметнува и со кое родителите се мачат сами е на која возраст да им дозволат на своите деца да почнат сами да излегуваат, како на пример до продавница?03/11/20210146

Со текот на времето, вашите деца сè повеќе ќе почнат да ја потврдуваат својата независност. Еден од клучните начини на кои ќе го направат тоа е што ќе почнат да бараат поголема слобода во различни активности. Прашањето кое се наметнува и со кое родителите се мачат сами е на која возраст да им дозволат на своите деца да почнат сами да излегуваат, како на пример до продавница?

Што велат резултатите од анкетата?

Порталот Made For Mums спроведе анкета со 1.427 родители, прашувајќи ги на која возраст би ги пуштале децата сами да одат во локалните продавници, на околу 15 минути од дома.

Најпопуларните одговори се:

Над 12 години (30%)
10 години (21%)
11 години (16%)

По понатамошно истражување, многу родители рекле, разбирливо, дека одлуката ќе зависи од тоа колку е зрело нивното дете. Други велат дека полесно би се одлучиле ако е продавницата на 5 минути пешачење или некаде каде што може да го видат детето како влегува од нивната влезна врата.

Неколкумина истакнале дека би биле посреќни и посмирени доколку нивното дете го направи тоа со браќата и сестрите или пријателите, а не целосно само.

Дополнителен важен фактор, како што многумина истакнале, е дали има фреквентна улица за преминување или не.

Како што вели еден од испитаниците, „Ќе зависи од улиците – колку се фреквентни – но на 11 години веќе се малку поблиску до средно училиште и треба да им се даде малку повеќе доверба и слобода“.

Имено, значителен број родители истакнале дека идејата да им се даде на своите деца малку повеќе слобода станува се посилна како што растат децата, а еден вели: „Ако може сами да одат на училиште, мислам дека треба да имаат можност да одат и до локалната продавница.

Што вели експертот?

„Ова прашање води до размислување за заедницата“, вели образовниот психолог Наоми Бурџис.

„Помалите области, каде што сите се познаваат, имаат тенденција да создадат природно чувство на сигурност и за вас и за вашето семејство“, советува таа. „Значи, мојот совет би бил да започнете да го создавате тоа чувство каде и да сте.

„Зошто да не одвоите време да одите во локалните продавници со вашите деца, да разговарате со продавачите, да ги дознаете нивните имиња, да го запознаете вашето дете и да изградите поширока локална мрежа? Значи, кога ќе дојде време воопшто да почнете да размислувате за нивната независност, вие ќе знаете каде одат, кај кого одат, па дури можете да побарате од продавницата да ви испратат дискретна порака кога ќе пристигнат.

Ова е одличен начин да се изгради независност на најбезбеден можен начин и за родителите и за детето да има чувство на припадност. И тоа е одличен начин да научите да го сакате местото каде што живеете “, заклучува Бурџис.

Фото: Pixabay

Повеќе