Жените кои спијат помалку од седум часа навечер во текот на бременоста имаат зголемен ризик од раѓање на деца со доцнење во развојот.
Ова го покажала студија објавена во Journal of Clinical Endocrinology & Metabolism (JCEM).
Научниците ги анализирале податоците за спиењето на 7.000 трудници во Кина.
Нивните деца биле тестирани за доцнење во развојот на возраст од шест месеци до три години. Спиењето помалку од седум часа за време на бременоста може да биде поврзано со зголемен ризик од невроразвојни проблеми кај децата, покажало истражувањето.
Ова може да го наруши размислувањето, однесувањето и учењето на децата.
Негативните ефекти од лишувањето од сон биле поизразени кај момчињата.
Недоволното спиење е исто така поврзано со промени во метаболизмот на гликозата кај мајката и детето.
Претходните истражувања покажале дека недостатокот на сон за време на бременоста може да го зголеми ризикот од гестациски дијабетес.
Речиси 40% од трудниците страдаат од проблеми со спиењето поради хормонални промени, физичка непријатност, зголемено мокрење и други фактори.
Една нова студија ја истакнала важноста на проучувањето и борбата против несоницата кај бремените жени.