Сексот го намалува ризикот од рак на простата и срцеви болести: 10 здравствени состојби кои можете да ги излекувате со секс

Истражувањата покажуваат дека мажите и жените кои имаат однос со своите партнери се позадоволни од своето ментално здравје. (Истите придобивки не се потврдени кога станува збор за мастурбација). Исто така, ова не важи кај повремен секс или врски

375

Кога сте во здрава врска, сексот е една од најдобрите работи што можете да ги направите за себе. Покрај задоволството, огромни се и здравствените придобивки.
Еве 10 причини зошто не треба да ја потценувате сексуалната активност.

Го ублажува стресот
Ако сте под стрес, сексот може да биде последното нешто што ви паѓа на ум. Но, сексот е одличен ослободувач од стресот. Актот на секс го преплавува вашиот мозок со секакви хемиски процеси за задоволство, а истовремено го намалува и хормонот на стрес кортизол.

Допамин, кој влијае на центрите за задоволство и наградување во мозокот; ендорфин, кој може да ја намали болката и стресот; и окситоцин, познат и како хормон на галење, се ослободуваат за време на сексот, со уште повисоки нивоа по оргазмот.

Го подигнува расположението
Едно истражување покажало дека сексот барем еднаш неделно во посветена врска е доволен за да ги направи луѓето среќни.
Студиите на постари возрасни лица покажале дека држењето за рака, гушкањето, бакнувањето и меѓусебното галењето исто така придонесуваат за подобар квалитет на живот.

Сексот може да ја спречи и депресијата. Истражувањата покажуваат дека мажите и жените кои имаат однос со своите партнери се позадоволни од своето ментално здравје. (Истите придобивки не се потврдени кога станува збор за мастурбација.)

Исто така, ова не важи кај повремен секс или врски. Една студија на речиси 7.500 американски студенти на 14 државни универзитети покажала дека оние кои имале повеќе врски имаат пониски нивоа на среќа и самодоверба и повисоки нивоа на депресија и анксиозност.

Го подобрува сонот
По оргазмот се ослободува и пролактинот, хормонот кој не релаксира. Комбинацијата на пролактин и сите други хормони за „добро чувство“ е причината зошто повеќето луѓе спијат подобро после секс.

Истражувањата покажуваат дека нивото на пролактин и кај мажите и кај жените после сексуален однос може да биде и до 400% повисоко отколку после мастурбација.

Нарушувањето на сонот може да биде голем проблем. На пример, мажите и жените со опструктивна ноќна апнеја, која се карактеризира со гласно ‘рчење и периоди на прекин на дишењето, пријавуваат помалку активен сексуален живот.

Мажите се особено тешко погодени. За производство на тестостерон, на мажите им е потребен добар период на одмор и непрекинат сон. Без него, тие би можеле да имаат пониско ниво на тестостерон и да страдаат од еректилна дисфункција.

Што се случува кога спиењето се подобрува? Добри вести за двата пола: либидото се зголемува.

Го зајакнува имунитетот
Редовниот секс може да помогне и во борбата против болестите.

Истражувачите од Универзитетот Вилкс во Пенсилванија ги прашале американските студенти колку често имаат секс во текот на неделата, а потоа ги споредиле нивоата на имуноглобулин А, антитело што функционира како прва линија на одбрана на телото, во нивната плунка.

Учениците кои имале секс еднаш или двапати неделно имале највисоки нивоа на имуноглобулин А: 30% повеќе од оние кои немале секс, но и од оние кои имале секс три или повеќе пати неделно. Покрај тоа, студентите кои биле во долготрајни, задоволувачки врски имале највисоки нивоа на антитела.

Го намалува ризикот од рак на простата
Честата ејакулација е поврзана со помал ризик од рак на простата.

Студијата од 2004 година објавена во Британскиот медицински журнал го истражувала сексуалниот живот на над 50.000 мажи на возраст меѓу 40 и 75 години. Мажите кои пријавиле 21 или повеќе ејакулации месечно имале помали шанси да заболат од рак на простата од мажите кои ејакулирале четири до седум пати годишно. Следната студија објавена во 2016 година ги покажала истите резултати.

Го подобрува здравјето на срцето
Мажите кои имаат секс најмалку два пати неделно имаат 45% помали шанси да заболат од срцеви заболувања отколку мажите кои имаат секс само еднаш месечно или помалку, според New England Research Institute.

И жените уживаат во придобивките од сексот кога станува збор за здравјето на срцето. Една студија покажала дека жените кои имаат чест, исклучително задоволувачки секс имаат помал ризик од хипертензија.

Добриот сексуален квалитет може да ги заштити постарите жени од кардиоваскуларни ризици подоцна во животот, вели авторот на студијата Хуи Лиу, вонреден професор по социологија на Државниот универзитет во Мичиген.

Ова има смисла поради начинот на кој жените ги гледаат своите сексуални односи, според едукаторката за секс и врски, Лаура Берман.

Кога станува збор за сексуалното задоволство на жената, не е толку до бројот на оргазми или до тоа колку е силно сексуалното искуство. Повеќе се работи за тоа како се чувствува со блиската личност со која има секс, бакнежи, галење и оргазам. Тоа е клучот за емоционалната и физичката благосостојба, што е од корист за здравјето и срцето на жените и за сè друго, вели Берман.

Ја подобрува интимноста
Серија од четири студии покажала дека сексот создава повеќе љубов, не само во моментите по сексуалната интимност, туку неколку часа подоцна.
Колку повеќе имаа секс, толку беа поприврзани; колку помалку имале секс, толку помалку имало позитивни чувства, вели клиничкиот психолог Аник Деброт, која ја водела студијата.

Моментите кои биле доживувани како еротски или сексуално возбудливи биле подеднакво предвидливи за позитивни емоции, вели Дебро.

Со неа се согласува и соработникот на Си-Ен-Ен, Иан Кернер, психотерапевт кој е специјализиран за секс и терапија за парови.

Кога двојките ја одржуваат сексуалната димензија на нивната врска жива и недопрена, тоа доведува до севкупно затоплување на врската, што вклучува повеќе допири и несексуална наклонетост, како и повисоко ниво на почит кон партнерот, вели тој.

Ги подобрува когнитивните способности
Истражувањата покажуваат дека одржувањето на активен сексуален живот до старост го штити, па дури и го подобрува когнитивното функционирање на нашиот мозок.

Анализирајќи ги податоците од англиската лонгитудинална студија за стареење, британските научници откриле дека сексуално активните мажи на возраст меѓу 50 и 89 години имаат зголемена когнитивна функција.

Жените ја имаа истата корист од сексот за меморија, но не и за низата на броеви.

И мажите и жените кои биле сексуално поактивни имале подобри резултати на тестовите од оние кои имале помалку секс.

Во една последователна студија, истражувачите откриле дека сексот барем еднаш неделно е многу предвидлив за подобрено когнитивно функционирање, особено вербална флуентност.

Ја ограничува болката
Истражувањата покажале дека сексуалната активност може да ги намали менструалните грчеви, хроничната болка во грбот и нозете, дури и мигрената.

Истражувачот за оргазам Бери Комисарук укажува на истражување кое вели дека сензорниот влез произведен од вагиналната стимулација произведува моќен аналгетски ефект.

Во студијата која Комисарук ја напишал со истражувачот за секс Беверли Випл, кој го измислил терминот „Г-точка“, тие откриле дека притисокот на пријатна вагинална стимулација ја зголемува толеранцијата на болка за 40%. Кога жените доживеале оргазам, нивната толеранција на болка се зголемила за речиси 75%.

Научниците ги признаваат хормоните што се ослободуваат за време на сексот, како што се ендорфините, кои ја блокираат болката и стресот и окситоцинот, хормонот кој им помага на мајката и бебето да се поврзат и има својства за ублажување на болката.

Освен тоа, експертите посочуваат и други придобивки од вежбањето кое произлегува од сексот: истегнување на мускулите и тетивите, виткање на зглобовите и забрзување на дишењето, отчукувањата на срцето и крвниот притисок, кои кај здрав маж или жена може да го енергизираат телото.

Повеќе