Што се случува во мозокот на тинејџерот кога ќе слушне критика од родителите?

Родителите кои се склони да ги критикуваат своите деца често не сфаќаат дека им прават многу повеќе штета отколку корист. Имено, група невролози од Универзитетот во Питсбург, Калифорнија-Беркли и Харвард решиле да истражат како родителската критика влијае на тинејџерите, поточно на нивниот мозок. Во студија во која учествувале 32 тинејџери и 22 тинејџерки, научниците дошле до неверојатно откритие.

Истражувачите се фокусирале на три специфични мозочни мрежи во тинејџерскиот мозок, имено области кои претходно биле поврзани со обработка на негативни емоции, области вклучени во регулација на емоциите и таканаречени нервни области вклучени во разбирањето на перспективите на другите луѓе.

Тие погледнаа колкава активност настанала во овие области кога тинејџерите ги слушале нивните родители, особено нивните мајки, како ги критикуваат, во споредба со тоа кога ги слушале нивните мајки како зборуваат за „неважни“ работи како купување намирници. Тие, исто така, проверувале дали се задржуваат некакви промени во активноста на мозокот потоа.

Како што покажале резултатите, кога тинејџерот ќе ја слушне критиката на родителот, неговиот мозок буквално се исклучува на неколку моменти. Имено, при слушањето на критиките, мозоците на тинејџерите покажале поголема активност во подрачјата кои се вклучени во негативни емоции, но и значително намалена активност во регионите вклучени во размислување, емоционална контрола и заземање на туѓо мислење.