Детските изливи на бес може да бидат предизвик за родителите бидејќи понекогаш не се сигурни како треба да реагираат на нив. За среќа, едукаторката за развој и психолог Џејми Блох открила корисни упатства за родителите во такви ситуации. На Инстаграм таа открила четири причини зошто е важно да почекате да се смират тантрумите пред да се пристапи кон решавање на проблемот.
- Децата во овие ситуации не можат логично да расудуваат
Кога децата минуваат низ големи емоции, нивниот мозок поминува низ невролошки одговор кој го исклучува нивниот префронтален кортекс, односно нивната способност да дејствуваат логично, истакнува Блох во објавата. - Во текот на нападот на бес не можат јасно да размислуваат
„Кога ќе одлучиме да предаваме во момент на големи емоции, мозокот на детето не е на мирно место“, вели психологот. Тоа значи дека не е вистинско време за учење и поучување. - Не се способни да учат во овие моменти
„Децата не можат да учат за време на силни емоции бидејќи кортизолот, хормонот на стресот, активира хормони кои го блокираат и го прекинуваат начинот на кој детето ги обработува информациите“, објаснила Блох. - На нивниот мозок му треба време да се смири
Во овие моменти клучно е да се одложи подучувањето и дисциплината, предупредува Блох. „Кога ќе оставиме да помине некое време, му даваме време на мозокот на нашите деца да се смири. После тоа тие ќе бидат поотворени за учење“, заклучува таа.