По 50-тата година кафето треба да се пие исклучиво на овој начин: Умерено и добро зачинето!

Кафето е еден од најпопуларните пијалоци во светот, незаменлив дел од утринската рутина на милиони луѓе.

Неговата привлечност лежи во неговиот специфичен вкус, но и во неговата главна состојка – кофеинот, кој не буди и ни дава енергија да го започнеме денот.

Сепак, кафето е и честа тема на научни истражувања поради силното влијание на кофеинот врз човековиот организам, а многу научници се обидуваат да одговорат на прашањето дали кафето е штетно или корисно за нашето здравје?

Поделени мислења и препораки

Мислењата, како и во многу други прашања, се поделени. Додека некои веруваат дека прекумерното консумирање кафе може да има негативен ефект врз телото, други тврдат дека во умерени количини кафето може да има голем број здравствени придобивки.

Она за што експертите се согласуваат е дека умереноста игра клучна улога – премногу кафе може да биде штетно, но во разумни дози може да придонесе за подобро функционирање на телото.
Во оваа дискусија за кафето се вклучила и д-р Памела Пик, позната докторка и авторка на бестселерот „Како да се ослободите од гладот“.

Таа понудила интересен совет кој може да го промени начинот на кој многумина од нас го консумираат овој омилен напиток.

Според неа, одредени зачини можат да ги подобрат благотворните ефекти на кафето и да придонесат за подобро здравје, особено кај постарите лица.

Заштитете го вашето здравје и виталноста

По педесеттата година, природниот процес на стареење ги успорува функциите на телото, но д-р Пик тврди дека правилната исхрана, вклучувајќи додатоци како зачини во секојдневните пијалаци и оброци, може да ги зачува здравјето и виталноста.

Еден од зачините кои ги препорачува за додавање во кафето е циметот.
Циметот има антиинфламаторни и антимикробни својства.

„Го одржува нивото на шеќер во крвта стабилно со забавување на празнењето на желудникот по оброкот, спречувајќи скокови или паѓање на шеќерот“, објаснува д-р Пик.

Ова стабилизирање на шеќерот во крвта може да биде клучно за луѓето кои сакаат да избегнат нагли промени во енергијата, но и за оние кои страдаат од дијабетес тип 2.

Имено, само еден грам цимет дневно може да го намали шеќерот во крвта, триглицеридите и „лошиот“ ЛДЛ. холестерол, што го прави одличен додаток во исхраната за луѓето со оваа дијагноза.
Но, тоа не е единствениот зачин што го препорачува Пик.

За зајакнување на имунитетот и намалување на воспалителните процеси во организмот, особено во зглобовите, таа ја препорачува куркумата.

„Куркумата е исклучително моќен зачин кој делува превентивно против многу болести, а особено е корисна за одржување на когнитивните функции“, истакнува таа.

Според нејзиниот совет, додека циметот лесно може да се додаде во кафето, куркумата е подобар избор за солени јадења или супи.

Може да се консумира и во форма на чај, што дополнително го поттикнува нејзиното антиинфламаторно дејство.

Куркумата одамна е позната во традиционалната медицина, особено во индиската Ајурведа, како зачин кој помага во намалување на воспаленијата, а денес е сè попопуларна во западната медицина поради многубројните здравствени придобивки.