За што служат пријателите? Понекогаш и за сурогат мајчинство
Никол и Ендру се обидувале да имаат бебе неколку години кога најдобрата пријателка на Никол, Лорен, се понудила да биде нивен сурогат. Од тој момент, нивните животи се промениле на неверојатни начини. Од таа приказна се родила малата Френки, која сега има четири години. Дали би го направиле ова за вашата пријателка
Лорен и Никол се пријателки од 2000 година. Заедно студирале право во Канбера и со години биле цимерки. Тие поминале заедно низ многу работи. Во меѓувреме, Лорен добила три момчиња, а Никол секогаш се чувствувала како нивна втора мајка бидејќи биле многу блиски.
Никол и нејзиниот сопруг четири години се обидувале да основаат семејство преку асистирана репродукција, но не биле успешни поради ендометриозата и имунолошкиот систем.
„Еден ден ја добив пораката: „Би сакала да го носам твоето бебе ако сакаш.“
Никол била шокирана бидејќи сурогат мајчинството не било нешто за што размислувала. „Но, беше големо олеснување затоа што знаев дека имам потенцијален резервен план“, вели Никол.
Во меѓувреме се предомислила. „Не бев подготвена да се откажам од носењето бебе“, открива таа.
„Но, една година подоцна почнав да страдам од напади на анксиозност и моето ментално здравје страдаше. Тогаш Лорен ми рече: „Тоа е тоа, доста ти е, ја преземам“.
Сопругот на Лорен ја поддржал идејата и рекол: „Ако успееме да го направиме ова, ова ќе биде најдоброто нешто што сме го направиле“.
Алтруистичко сурогат мајчинство
Никол објаснува дека единственото легално сурогат мајчинство во Австралија се нарекува „алтруистичко сурогат мајчинство“ – каде што сурогат мајката не може да оствари никаква комерцијална корист – но може да има покриени трошоци.
И токму тоа го направиле Никол и Ендру. „Инсистиравме да платиме за сè. Но, на Лорен не ѝ беше грижа. Таа беше толку дарежлива.
Тоа беше возбудливо време за сите
„Беше одлично да ја гледам Лорен и се чувствував навистина олеснето“, вели Никол. „Не тагував што не можев да го носам моето бебе, само почувствував олеснување.
За тоа дали ситуацијата го променила односот меѓу пријателките, Никол вели дека тоа ни најмалку не влијаело на нив. На крајот на краиштата, Никол верувала во својата пријателка која била толку искусна во донесувањето здрави бебиња на светот.
Експерт за сурогат мајчинство
Никол по нејзиното позитивно искуство знаела дека сака да ја промени перцепцијата за сурогат мајчинство во Австралија. „Престанав да работам како корпоративен адвокат, а потоа основав сопствена компанија за да ја подобрам достапноста и искуството на сурогат мајчинството во Австралија. Обезбедувам практично водство и поддршка на оние кои минуваат низ овој процес. Чувствувам дека тоа е начин да го исплатам големиот подарок што ми го даде мојата несебична, храбра пријателка“.