Жена родена од сурогат мајка: Оваа сурова практика треба да се забрани (ВИДЕО)
Сочувствувам со оние кои не можат да имаат деца, но тажната реалност е дека не можеме сите да го имаме она што го сакаме. Врз основа на сопственото искуство и истражување, дојдов до заклучок дека не постои добра верзија на сурогат мајчинство, вели Оливија Маурел
Откако бројни познати личности добија деца користејќи сурогат мајки, тоа е една од жешките теми за која сите имаат мислење, но ретко се зборува за тоа од перспектива на дете родено од сурогат мајка.
Оливија Маурел смета дека сурогат мајчинството е практика која треба да се укине и јавно ѝ се спротивставува. Имено, таа е родена од сурогат мајка и од прва рака објаснува зошто има таков став.
„Силно верувам дека оваа сурова и неморална практика треба да се забрани. Од првиот ден немав вистинска врска со мајка ми, а детството ми беше несреќно. Прво, не разбирав зошто сум родена во Кентаки. Тоа го пишуваше на мојот извод од матичната книга на родените, но моите родители никогаш не живееле таму. Мајка ми ми кажуваше дека сакала нејзиното дете да се роди таму каде што се случува дејството на нејзиниот омилен филм „Однесено со виорот“. Мислев дека тоа е убава приказна. но неколку години подоцна ја дознав вистината“, се потсетила таа за Дејли Мејл.
Оливија дознала дека во Кентаки ја родила сурогат мајка.
За неа се грижеле дадилки
„Само неколку секунди откако сум се родила, брзо сум била одвоена од жената која забременила користејќи свои јајце клетки и ме носела девет месеци. Наместо да бидам ставена во прегратките на мојата биолошка мајка да ме негува и сака, сум била дадена на маж и жена кои, едноставно кажано, платиле многу пари за мене“, додава таа и истакнува дека ова бил почеток на траумата со која се бори и денес.
„Ако моите родители толку се потрудиле за да ме имаат, зошто не ме опсипуваа со љубов?
Оливија пораснала како дете на богат пар од Франција. Имала се што сакала, но постојано ја следело чувството дека нешто не е во ред во нејзиното семејство.
„Моите родители не беа емотивни. Никој не ме гушкаше, а за мене се грижеа дадилки. Ако моите родители толку се трудеа да ме имаат, зошто не ме опсипуваа со љубов”, прашува Оливија.
Кога со самостојно истражување ја дознала вистинската вистина, наместо да разговара со родителите, Оливија се свртела кон пороци. Со текот на времето, со помош на терапевт, таа се извлекла од пеколот на зависност и депресија. Го запознала човекот кој сега ѝ е сопруг и со кој има три деца.
Таа повеќе не разговара со своите родители
Ја запознала и својата биолошка мајка, но никогаш не се соочила со родителите. Кога јавно проговорила за својата ситуација, престанала да разговара со родителите.
Сочувствувам со оние кои не можат да имаат деца, но тажната реалност е дека не можеме сите да го имаме она што го сакаме. Врз основа на сопственото искуство и истражување, дојдов до заклучок дека не постои добра верзија на сурогат мајчинство. Моите родители ги гледаат своите внуци, но ние повеќе не разговараме. На некој начин тоа е продолжение на дистанцата која отсекогаш постоела. Ги сакам и не им забележувам, но не можам да молчам додека се борам со трауматичното наследство на сурогат мајчинството“, заклучила Оливија.