Анонимен клиент на музичка продавница му подарил славна гитара на момче со редок синдром
Непознат човек му купил гитара на момче со Вилијамсов синдром откако го видел како доаѓа одвреме навреме во музичка продавница во Колорадо за да посвири на неа
Момчето по име Фалон е голем љубител на музиката, а неговата најголема страст е метал музиката. Фалон боледува од Вилијамсов синдром, ретко генетско нарушување кое доаѓа со голем број на развојни и физиолошки предизвици. Доаѓа и со дарот на екстремна љубезност и интензивна љубов кон луѓето, што ги прави луѓето со овој синдром социјални.
Трогателен гест на непознато лице
Фалон со години доаѓа во музичка продавница во Гранд Џанкшн, во Колорадо. Секој пат ја избира таа специјална гитара и бара дозвола од персоналот да отсвири нешто на неа.
Музичката продавница на својот Фејсбук профил ја објави таа прекрасна приказна, споделувајќи фотографии од Фалон со гитарата и напиша: „Ова е Фалон. Тој ја посетува нашата продавница во последните неколку години. Неговото барање е да свири на гитарата на „Пантерот“, односно, гитарата на Дин Dајмбег Дарел mebag Darrell ML “, пишуваат тие во соопштението.
„Бевме шокирани кога дознавме дека знае од рифовите на Дајмбег. Фалон има Вилијамсов синдром и одлично познавање и љубов кон музиката, а неговиот сон беше да ја поседува оваа гитара“, раскажуваат тие.
„Пред осум месеци, кога тој беше во продавница и свиреше, друг клиент го забележал Фалон. Тој беше толку трогнат од тоа што подоцна се врати во продавницата, ја купи гитарата и побара од нас да му ја дадеме на Фалон без да го откриеме неговиот идентитет. Сепак, Фалон го немавме видено до денес. Неуспешно се обидувавме да го најдеме. Денеска неговото семејство дојде во продавницата и дознавме дека се преселиле во Тексас и се вратиле оваа недела за да посетат некого. Беше прекрасно искуство да му се подари на Фалон гитарата од соништата од љубезен странец. Неговата мајка се расплака, а Фалон блескаше од возбуда. Тоа беше посебен момент. Сè уште има добри луѓе на овој свет.
И членовите на бендот Пантер ја објавија оваа приказна
Оваа приказна е исто така интересна со оглед на историјата на „Пантер“ со посебните гитари. Дајмбег Дарел беше главниот гитарист на „Пантер“ пред да се распадне бендот. Тој беше убиен во 2004 година од разлутен обожавател додека настапуваше на сцената со друг бенд, што го шокираше светот на хеви металот.
Како што објави Loudwire, Дарел бил голем обожавател на Еди Ван Хејлен и бил воодушевен што го запознал. Еди Ван Хејлен на неговата комеморација ја донесе својата оригинална гитара со жолти риги од 1979 година, која Дарел толку многу ја сакаше, што беше погребан со неа, велејќи: „Дајм беше оригинален и само оригинал го заслужува оригиналот“.