Како да ја намалите анксиозноста поради враќањето на училиште: Невропсихолог дава три совети кои можат да им помогнат на децата
Во истражувањето спроведено минатата година, 87% од родителите на деца под 18-годишна возраст рекле дека периодот на враќање на училиште им предизвикува стрес или анксиозност, а повеќе од половина го опишуваат како најстресно време од годината.
Летниот распуст заврши и некои деца веќе се вознемирени поради враќањето на училиште. За полесно да се вратат во нивната рутина, невропсихологот Џенифер Каценштајн наведува неколку чекори кои би можеле да помогнат.
„Многу е важно да ги подготвите децата за враќање на училиште и да ги научите како да управуваат со стресот и вознемиреноста од враќањето во рутината“, вели Каценштајн на „Тик-ток“.
Во истражувањето спроведено минатата година, 87% од родителите на деца под 18-годишна возраст рекле дека периодот на враќање на училиште им предизвикува стрес или анксиозност, а повеќе од половина го опишуваат како најстресно време од годината.
„Ограничете ја употребата на екранот“
Каценштајн препорачува да проверите дали забележувате какви било промени во однесувањето на вашето дете, како што се промени во навиките за спиење или одење во веце.
„Ако почнете да ги забележувате овие симптоми, тоа е одлична можност да разговарате со вашиот педијатар или психолог за да бидете сигурни дека анксиозноста нема да влијае врз децата кога ќе се вратат во училницата“, додала таа.
На второ место, таа советува да смислите распоред за спиење и да започнете да го воведувате две недели пред почетокот на училиштето, постепено поместувајќи го времето за спиење и утринскиот аларм за 15 минути.
Спиењето е неопходно за здравјето и развојот на децата.
Американската академија за медицина на сон препорачува децата на возраст од 3 до 5 години да спијат од 10 до 13 часа навечер, децата од 6 до 12 години да спијат од 9 до 12 часа, а тинејџерите да се стремат кон 8 до 10 часа сон.
И, конечно, ограничете го времето поминато на екранот на два часа дневно. Кај децата од предучилишна возраст, една неодамнешна студија ја поврза употребата на таблети со проблеми во регулирањето на емоциите.