Кофеинот за време на бременоста може да влијае на моторниот развој на бебето

Иако нашироко е познато дека некои животни навики, вклучително и пушењето и пиењето алкохол за време на бременоста, влијаат на развојот на детето, сè уште не постои консензус за ефектите од консумирањето кофеин.

207

Контроверзна тема за која се зборува долги години – дали е безбедно да се консумира кофеин за време на бременоста? Во моментов се советува дека бремените жени не треба да консумираат повеќе од 200 мг кофеин на ден – што е еквивалентно на две шолји инстант кафе.

Но, една нова студија предупредува дека пиењето кафе може да влијае на способноста на детето да ползи или да оди на една година, дури и ако се консумира умерено, пишува The Daily Mail.

Истражувачите од Универзитетот Хокаидо во Јапонија тврдат дека децата на мајките кои пијат само три шолји кафе дневно имаат 1,11 пати поголем ризик од доцнење на моторниот развој на возраст од 12 месеци. Иако нашироко е познато дека некои животни навики, вклучително и пушењето и пиењето алкохол за време на бременоста, влијаат на развојот на детето, сè уште не постои консензус за ефектите од консумирањето кофеин.
Како и да е треба да го ограничите внесот на кофеин кога се обидувате да забремените и додека сте бремени, бидејќи прекумерниот внес на кофеин е поврзан со зголемен ризик од спонтан абортус и ниска родилна тежина.

Повеќе