Тагата е природен одговор на загубата, емоционално страдање што се случува кога ќе изгубиме некој што го сакаме. Колку е губитокот позначаен, толку е поголема тагата.
Постојат пет фази на тага
Негирање, лутина, потиштеност, прифаќање, прилагодување на ситуацијата и реинтеграција.
Секако, не минуваат сите луѓе низ сите фази и понекогаш не поминуваат по овој редослед бидејќи тагата е непредвидлива и индивидуална. Она што треба да го запомните е дека е нормално да ги почувствувате сите овие емоции и дека нема одредено време кога тие ќе исчезнат.
Најтешките периоди ќе станат помалку интензивни и пократки со текот на времето, но сосема е вообичаено да чувствуваме силна тага со години по загубата, особено во моментите што сакаме да ги споделиме со саканата личност.
„Симптоми“ на тага: вина и лутина
Експертите предупредуваат дека олеснувањето по смртта на некој кој долго време се борел со сериозна болест е нормална емоција, но многу луѓе се чувствуваат виновни ако ги совладаат таквите емоции.
Во случај на неочекувана и ненадејна смрт пак, нè обзема голема лутина, често мислиме дека сме можеле некако да ја спречиме, иако тоа реално не било можно.
Страв. Загубата на саканата личност може да предизвика многу грижи и стравови, може да чувствуваме вознемиреност, беспомошност и несигурност. Сето ова понекогаш доведува до напади на паника, а често го преиспитуваме и својот живот, односно смртност.
Физички промени. Иако тагата е емотивен процес, таа често вклучува физички, односно здравствени проблеми како што се замор, намален имунитет, губење или брзо зголемување на телесната тежина, мачнини, болка и несоница.
Како да тагуваме?
Најдете поддршка. Свртете се кон пријателите или членовите на семејството и не ги избегнувајте бидејќи ви треба поддршка, без разлика дали мислите дека можете сами да се справите со сето тоа.
Луѓето често сакаат да помогнат во такви ситуации, но не знаат како, затоа отворено кажете што ви треба – само разговор или рамо за плачење. Побарајте духовна утеха ако ги следите религиозните традиции. Духовните ритуали како молитвата кои вообичаено ви значат многу сега можат да ви пружат голема утеха.
Грижете се за себе. По смртта на некој близок, треба да се грижиме за себе повеќе од кога било бидејќи големиот емоционален стрес може да го оштети нашето здравје. Покрај физичкото здравје, грижете се и за вашето ментално здравје, бидејќи телото и умот се поврзани.
Обидете се да спиете доволно и да јадете на време за да не ја изгубите физичката сила. Избегнувајте лекови кои привремено ќе ви го подигнат расположението, а потоа ќе ве вратат во депресивна состојба штом ќе исчезнат ефектите.
Подгответе се за „предизвикувачите“ на тагата. Празници, родендени, годишнини – сето тоа се ситуации кои ќе разбудат спомени и чувства. Подгответе се за овие „удари“ и знајте дека е нормално да бидете тажни во овие прилики. Разговарајте со луѓето со кои ќе ги споделите и не криете како се чувствувате.
Изразете ја вашата тага. Нема да ја заборавите саканата личност и тоа никој не го бара од вас. Всушност, запомнете ги сите убави моменти кои сте ги поминале заедно. Можете да ја изразите тагата на многу начини.
Напишете ги вашите мисли во дневник, напишете писмо и кажете ѝ сè што не сте успеале, направете албум со фотографии што ги слави нивните животи или вклучете се во некоја организација што им била важна и продолжете да дејствувате во нивно име.
Разликата помеѓу тагата и депресијата
Овие две состојби се слични по природа, но кај депресијата, чувството на празнина и очај не престанува. Од тагата се разликува и со интензивни чувства на вина и безнадежност и чести мисли за самоубиство.
Никогаш не се срамете да побарате стручна помош, особено ако: мислите дека вашиот живот повеќе нема смисла, се чувствувате одвоени од светот со недели и не можете да ги извршувате секојдневните активности
Колку повеќе ни значел човекот, што сме го изгубиле, толку е поголема тагата по неговото заминување. Оваа тага ни кажува колку нешто ни го одбележало животот, но и колку е важно да се прифатиме себеси и секојдневието без личноста што ја изгубивме. За ова е потребно време, сила и поддршка од околината.