„Не сакам да имам деца!“ 30-годишна жена наведува 14 причини поради кои не сака да стане мајка
Некои луѓе сакаат деца, а некои не. Ниту еден избор не е подобар од другиот. Случајно сум една од оние луѓе кои не сакаат да бидат родител. И тоа е во ред! Мислам дека е време општеството да почне да ги поддржува жените во што и да одлучат дека е најдобро за нашето тело, начин на живот и соништа, вели Морган Слос
Новинарка на BuzzFeed ги откри причините зошто не сака деца и предизвика дебата на социјалните мрежи. 30-годишната Морган Слос и нејзиниот партнер Бредли се во врска осум години и постојано ги прашуваат кога планираат деца. Затоа Морган решила да напише статија во која ќе објасни зошто не ги интересира родителството.
Безобразно се скапи
„Во 2017 година, американската влада објави извештај во кој се проценува дека просечниот трошок за одгледување дете во САД е 233.610 долари. Хммм, не со мојата плата!
Сакам да патувам низ светот
„Патувањето е една од моите омилени работи во животот. Посета на убави места, пробување вкусна храна, уживање во различни култури, запознавање нови луѓе – сето тоа го сакам! Јас и мојот партнер досега патувавме само во неколку земји заедно и таму создадовме некои од нашите најубави спомени. Но, имањето деца навистина ги ограничува вашите авантури“.
Сакам да бидам забавна тетка
„Имам големо семејство во кое не недостигаат деца. Сакам да доаѓам, да ги разгалувам со подароци и да се забавувам со нив. Но, штом некому треба да му се смени пелена или ќе стане мрзоволно, морам да го вратам. Ги имам сите добри страни на родителството, а оние негативните – не“.
Ме плаши идејата за породување
„Го разбирам основниот концепт, но по ѓаволите. Сакаш да истуркам ШТО од моето КАДЕ?! И идејата за царски рез е исто толку застрашувачка; Дури не те ни заспиваат! Не можам да ја замислам болката на породувањето и не сум заинтересирана да ја пробам. Плус, стапката на смртност на мајките е шокантно висока и расте секоја година во САД“.
Сакам да се фокусирам на работите кои ми носат радост
„Помеѓу работата, задолженијата и обврските, повеќето возрасни имаат драгоцени неколку часа секоја недела за да им се посветат на работите што ги сакаат. Јас сакам да можам да ги искористам“.
Тоа е огромна одговорност
„Кога ќе имате дете, на вас е да го научите како да биде добар човек. Освен тоа, вие сте задолжени да бидете сигурни дека тие се среќни. Ако доволно ја згрешите работата – дури и со најдобра намера – тоа може потенцијално да ви предизвика траума за цел живот и нерешени проблеми за некој кој никогаш не ни побарал да се роди. Тоа е огромна одговорност и голем притисок“.
Јас сум му мајка на куче
„Нашиот тригодишен мешанец е едноставно еден од најубавите моменти во мојот живот. Во текот на периодот на работа од дома, тој ми беше постојан придружник, ми ја ублажуваше анксиозноста на животот во несигурни времиња и ми пружи безусловна љубов на начин на кој само животните можат“.
Ако се покаете што имате дете, нема враќање назад
„Последниве години имаше многу луѓе кои нè контактираа на социјалните мрежи и признаа дека, иако ги сакаат своите деца, жалат што ги имаат. Да се има дете е доживотна обврска и нема враќање на пари ниту повлекување ако го смените мислењето“.
Ми се допаѓа мојот однос со партнерот таков каков што е
„Јас и мојот партнер имаме прекрасна врска и не можам да го замислам животот со никој друг. Но, додајте го стресот од раѓање деца? Којзнае како тоа би влијаело на сите? Нè сакам такви какви што сме и немам интерес да променам што било“.
Мразам, мразам, мразам звук на бебешко плачење
„Буквално полудувам и морам да ја напуштам собата.
Ја сакам слободата без деца
„Мојот партнер и јас сакаме да започнеме нова авантура заедно, па летово ќе се преселиме во Остин. По неколку години таму, којзнае? Можеби ќе сакаме да се преселиме во Сан Франциско или во Њујорк“.
Би се чувствувала виновна да донесам дете на овој свет
„Мислам дека сите можеме да се согласиме дека моменталната состојба на светот не е бајка. Од војни до нееднаквост на приходите до расна неправда до климатски промени, има толку многу глупости во овој свет што мислам дека не би се чувствувала добро за внесување нов живот во него“.
Многу сакам да спијам
„Ова е веројатно точно за повеќето луѓе, но нема ништо што сакам повеќе од тоа да спијам за време на викендот. А кога не спијам доволно, јас сум една мрзоволна дама!
И конечно, едноставно нема дел од мене што сака да има деца
„Некои луѓе сакаат деца, а некои не. Ниту еден избор не е подобар од другиот. Случајно сум една од оние луѓе кои не сакаат да бидат родител. И тоа е во ред! Мислам дека е време општеството да почне да ги поддржува жените во што и да одлучат дека е најдобро за нашето тело, начин на живот и соништа“.