Од Јапонија до Италија: ова се родителски практики низ светот

Разликата во перспективите може да биде толку голема што она што родителите го прават на едно место во светот, може да се смета за неприфатливо на друго место.

109

Кога станува збор за родителството, тоа се разликува од култура до култура. Работите што некои родители ги сметаат за сосема нормални можат да ги збунат мајките и татковците во друг дел од светот. Разликата во перспективите може да биде толку голема што она што родителите го прават на едно место може да се смета за неприфатливо на друго место.

Еве неколку различни стилови на родителство во светот.

Бали: Бебињата не смеат да ја допираат земјата во првите три месеци од животот
Бебињата на Бали не смеат да ја допираат земјата додека не наполнат три месеци. Во балиската култура земјата се смета за нечиста, а ако чисто и невино дете ја допре, тоа се смета за лош знак. Се смета дека детето на возраст од три месеци е подготвено да се соочи со нечистотија и првпат да стапне на земја. Семејството обично организира посебна церемонија за оваа пригода.

Кенија: Не ги гледајте децата во очи
Ние веруваме дека гледањето во очи ја олеснува комуникацијата со детето и ја зајакнува врската, а луѓето Кисии или Гусии од Кенија имаат сосема поинаква гледна точка.

Мајките ги носат своите деца, но не одговараат на нивниот плач и не гледаат во нивните очи. Потеклото на овој обичај датира од многу одамна. Народот Кисии верува дека кога воспоставувате контакт со очи со некого, му велите „Ти си главен“, порака што родителите не сакаат да им ја испратат на своите деца.

Јапонија: Детето е надгледувано до четиригодишна возраст
Новороденчињата во Јапонија го добиваат целото внимание што можат да им го дадат нивните родители, но тоа не трае долго. Кога детето ќе наполни четири, може да се качи само со воз до училиште, а родителите му даваат разни повремени работи, на пример, го праќаат само во продавница да набави намирници.

Децата во училиштата метат и чистат училници и ходници. Јапонските родители веруваат дека сето тоа ги учи на независност и одговорност.

Германија: Владата им помага на родителите
Родителството е скапо насекаде низ светот, но на родителите во Германија им помага владата. Доколку детето не почне да работи на 18 години, туку одлучи да студира, месечниот надоместок може да се исплаќа додека детето не наполни 21 или дури 25 години.

Италија: Виното е за секого
Сите знаеме колку Италијанците уживаат во доброто вино, па дури и децата можат да го консумираат (во разумни количини од неколку капки). Италијанците веруваат дека децата кои се изложени на вино за време на вечерата имаат помала веројатност да развијат штетни практики на пиење во зрелата возраст. Со други зборови, тие веруваат дека на тој начин одгледуваат одговорни консументи.

Шведска: Сите се еднакви
Шведска е пример за еднаквоста. Родителите и децата имаат исти права и имаат ист третман во оваа европска земја. Децата во Шведска се поттикнуваат да го кажат своето мислење за било што и се поканети да учествуваат на сите семејни собири, каде што имаат право да го кажат своето мислење за одредена тема.

Повеќе