Трудници, знаете ли што се случува со вашето бебе кога ќе кивнете?

Бремените жени, особено во подоцнежните фази од бременоста, чувствуваат како нивните бебиња икаат, се движат, се протегаат и се вртат – толку многу што честопати може да доживеат незгодни удари во грлото на матката или мочниот меур. Но, интересно е да се запрашаме дали нешто се случува и кај бебињата во матката.

Дури и нешто едноставно како кивањето за време на бременоста може да ве натера да се запрашате: Што се случува со вашето бебе во утробата? Што ако почувствувате болка додека кивате? Дали кивањето може да влијае на фетусот?

Прво, дури и најсилното кивање нема да му наштети на вашето бебе. „Не треба да се грижите кога кивате додека сте бремени“, вели д-р Камела Филипс, овластен гинеколог, на Ромпер. „Кивањето предизвикува брзо, но привремено зголемување на абдоминалниот притисок. Меѓутоа, овој моментален притисок не може да ѝ наштети на тврдината што ја претставува вашата матка. „Дебелиот мускул на матката и плодовата вода што го опкружуваат бебето обезбедуваат одлична заштита од оваа промена на притисокот“, објаснува Филипс.

„Бебињата можат да почувствуваат дека мајката кива во тој момент и тие можат да се помрднат и да одговорат на тоа“, вели д-р Алис Сатон, асистент клинички професор на Универзитетот во Сан Диего.

Што точно се случува кога кивате додека сте бремени?
Иако кивањето нема да му наштети на вашето бебе на кој било начин, може да ве натера на мокрење. „Некои жени ќе доживеат стресна уринарна инконтиненција, односно, истекување на урина кога киваат или кашлаат поради зголемен притисок врз мочниот меур“, вели Сатон. „Постојат третмани за инконтиненција, вклучително и физикална терапија, па известете го вашиот лекар ако тоа се случи.

Ако сте загрижени затоа што кивањето е болно за вас, знајте дека вашето бебе не чувствува болка
„Ако бремената жена чувствува затегнување или остра болка во стомакот кога кива, тоа е веројатно она што го нарекуваме „болка во кружниот лигамент““, вели Сатон. Тркалезните лигаменти ја поддржуваат матката, а како што бебето расте и станува се потешко, многу пациенти чувствуваат болка која се протега од колковите до препоните, а понекогаш и болка длабоко во вагината.

Дали фетусот може да почувствува или слушне кивање?
„Делот од феталниот нервен систем што ќе стане мозок се развива на крајот на првото тримесечје, а сензорниот нервен систем исто така почнува да се развива кон крајот на првото тримесечје“, вели Сатон. „Сензорните дразби можат да стигнат до мозокот на фетусот околу 24-25 недела.

Во утробата, фетусите се подложени на 24-часовна внатрешна симфонија на циркулирачка крв, чукање на срцето, па дури и на звуците на вашиот вреден дигестивен систем. Покрај тоа, фетусот потенцијално може да ги слуша надворешните извори на звук – музиката што ја пуштате во вашиот автомобил или звуците од телевизорот.

Според тоа, Сатон објаснува дека не е сосема јасно што бебето во развој во утробата слуша, а што не, дури и со сознанието дека неговиот мозок може да го регистрира. „Нервниот систем на фетусот продолжува да се развива во третото тримесечје“, објаснува Сатон. „И само затоа што нервните врски се на место не значи дека знаеме како фетусот ги доживува овие сензации. Затоа е тешко да се каже точно кога бебето може да ги согледа внатрешните и надворешните звуци и движења, но тоа би можело да биде во текот на второто тримесечје.”