За некој да ме бакне, мора да е гладен барем 3 часа: Поради ретка болест, обичен бакнеж може да биде фатален за младата Американка

За Керолајн Креј Квин, невиниот допир со усните не е само безгрижно задоволство, туку и потенцијална закана за животот.

Оваа млада жена од Бостон боледува од синдром на активирање на мастоцитите (MCAS), ретко пореметување кое погодува само еден од 150.000 луѓе.

MCAS предизвикува телото претерано да реагира на различни предизвикувачи, вклучувајќи одредени видови храна, мириси и други фактори на животната средина.

Во случајот на Керолајн, состојбата е особено сериозна; таа може да консумира само два вида храна – овес и специјализирана формула за храна.

Сè друго може да предизвика сериозни алергиски реакции, па дури и смрт.
Еден од најголемите предизвици во нејзиниот љубовен живот е најмалиот контакт со некој што изел нешто на што таа е алергична.

За да се заштити, Керолајн развила строги правила кои потенцијалните партнери мора да ги почитуваат пред да ја бакнат.

Има голем број правила за своето момче

Во видеото на Тик-Ток кое стана вирално со повеќе од 1,7 милиони прегледи, Керолајн ги сподели своите правила: „За некој да ме бакне, не смее да јаде ништо три часа претходно.

Освен тоа, не може да јаде ниту еден од моите шест главни анафилактички алергени – кикиритки, јаткасти плодови, сусам, сенф, морска храна или киви – најмалку 24 часа претходно“.

Таа, исто така, ја нагласува важноста на оралната хигиена, барајќи од партнерите да ги мијат забите пред контактот со неа, пишува Дејли мејл.
Овие правила ѝ ги советувале членовите на медицинскиот тим откако го поставила „необичното“ прашање: „Можам ли да го бакнам моето момче?“

И покрај предизвиците, Керолајн истакнува дека нејзините правила се главно успешни, иако доживеала неколку помали реакции за време на бакнежите.

Таа сега има момче Рајан, кој лесно се вклопил во нејзината рутина и се придржува до правилата. Иако во текот на растењето имала тешки алергии, MCAS ѝ бил дијагностициран дури во 2017 година, откако доживеала тешки алергиски реакции поради вкрстена контаминација.

Ретка болест

Керолајн забележува дека MCAS предизвикува различни симптоми, вклучувајќи отежнато дишење, оток и чешање на грлото, низок крвен притисок и осип. За да избегне тешки последици, таа избегнува предизвикувачи како што се одредени мириси, мувла и животински влакна.

Поради нејзините симптоми, Керолајн била без бакнежи дури две години, додека не открила дека причината за проблемот е мувлата во нејзиниот дом.

И покрај опасностите, таа не сака да дозволи алергиите да ја задржат.
„Многу сум алергична на кучиња и мачки и теоретски, ризикувам секогаш кога излегувам од дома“, вели таа.

Сепак, смета дека не треба да се откажува од животот поради стравот од најлошото сценарио.

Тежок живот
Керолајн верува дека нејзините правила за излегување може да послужат како корисна мерка за луѓето кои не се сигурни во намерите на своите партнери.

„Иако се чини неконвенционално, овие правила се како тест за карактери при запознавањето“, додава таа. „Ако некој сака да биде со вас, ќе се потруди да ги следи тие правила“.

На крајот, нагласува дека алергиите можат да предизвикаат сериозни здравствени проблеми, вклучително и анафилакса, која може да биде опасна по живот.

Но, со правилно управување и свесност, Керолајн се труди да не дозволи нејзините алергии да ѝ направат премногу проблеми.