Бесот е веројатно еден од најпредизвикувачките делови од родителството со мали деца. Доволна е и најмала ситница за да предизвика целосен емоционален слом: погрешно исечено јаболко, „погрешна“ лажица за вечера или јогуртот што сте го отвориле наместо нив.
И додека родителите често се чувствуваат беспомошно во такви моменти, сè поголем број експерти советуваат понежен пристап што им помага на децата да се чувствуваат видени и безбедни.
Една од нив е едукаторката за родители и социјална работничка Ген Муир, мајка на четири момчиња, која сподели едноставна техника на Тик-Ток за која тврди дека може да го смири тантрумот за само неколку секунди.
Таа се присети на ситуација кога нејзиниот двегодишен син влегол во кујната и ја замолил да му излупи банана. Додека таа ја лупела, бананата се скршила на половина и настанал хаос.
– Секој родител на двегодишно дете знае каква голема грешка е тоа – се пошегува таа.
Момчето повеќе не ја сакало бананата и побарало друга, но немале други банани. Почнал да плаче и да вреска, а таа се обидела да му го одвлече вниманието нудејќи му други грицки.
Ништо не помогна.
– Можев да го почувствувам како ми расте стресот и како мојот гнев расте.
Сакав да викнам:
– Оди во твојата соба! Но, како експерт за родителство, таа знаеше дека тоа нема да ѝ помогне ниту неа ниту на нејзиното дете. Потоа се сетила на нешто важно: „
– Не морам да го поправам ова. Не морам да го решам проблемот. Само треба да му покажам дека разбирам.
Седнала на подот до својот син, длабоко воздивнала и му кажала три едноставни реченици: 1. „Твојата банана се скрши.“ Именувала што се случило. 2. „Не сакаше ова да се случи.“ Ја признала желбата и разочарувањето на нејзиното дете. 3. „Навистина си тажен поради тоа.“ Ја препознала и ја потврдила емоцијата.
Ген вели дека нејзиниот син ја потпрел главата на нејзиното рамо за неколку секунди, а кратко потоа ја изел скршената банана.
Таа открила дека на децата им е многу полесно да се справат со своите емоции кога некој ги признава, отколку кога се обидуваат да ги замолчат, поправат или игнорираат.
– Понекогаш само треба да слушнат: „Те гледам, те разбирам и знам дека посакуваш да беше поинаку.“
Искрено, звучи како нешто што вреди да се проба следниот пат кога ќе избувне драма поради погрешно поставена лажица или колаче што се скршило на половина.